ਕਾਂਗਰਸ ਦੇ ਉਮੀਦਵਾਰ ਮੁਹੰਮਦ ਸਦੀਕ ਨੇ ਰਣੀਕੇ ਨੂੰ ਹਰਾ ਕੇ ਕੀਤੀ ਸ਼ਾਨਦਾਰ ਜਿੱਤ ਦਰਜ

ਫੂਲ ਟਾਊਨ – ਲੋਕ ਸਭਾ ਚੋਣਾਂ ਵਿੱਚ ਹਲਕਾ ਫਰੀਦਕੋਟ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਜਨਾਬ ਮੁਹੰਮਦ ਸਦੀਕ ਨੇ ਅਕਾਲੀ-ਭਾਜਪਾ ਦੇ ਉਮੀਦਵਾਰ ਸਾਬਕਾ ਕੈਬਨਿਟ ਮੰਤਰੀ ਗੁਲਜਾਰ ਸਿੰਘ ਰਣੀਕੇ ਨੂੰ 83,262 ਵੋਟਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਜਾਣਕਰੀ ਦਿੰਦਿਆਂ ਗੋਰਾ ਸਿੰਘ ਜਵੰਧਾ ਅਤੇ ਤੀਰਥ ਸਿੰਘ ਸਿੱਧੂ ਭਾਈਰੂਪਾ ਨੇ ਦੱਸਿਆ ਕਿ ਵਿਧਾਨ ਸਭਾ ਹਲਕਾ ਰਾਮਪੁਰਾ ਫੂਲ ਦੇ ਮੁੱਖ ਸੇਵਾਦਾਰ ਅਤੇ ਕੈਬਨਿਟ ਮੰਤਰੀ ਗੁਰਪ੍ਰੀਤ ਸਿੰਘ ਕਾਂਗੜ ਦੀ ਯੋਗ ਅਗਵਾਈ ਹੇਠ ਅਤੇ ਵਰਕਰਾਂ ਦੀ ਸਖਤ ਮਿਹਨਤ ਸਦਕਾ ਕਾਂਗਰਸ ਦੀ ਜਿੱਤ ਹੋਈ। ਮੁਹੰਮਦ ਸਦੀਕ ਦੀ ਜਿੱਤ ਨੂੰ ਲੈ ਕੇ ਕਾਂਗਰਸੀ ਵਰਕਰਾਂ ਵਿੱਚ ਖੁਸ਼ੀ ਦੀ ਲਹਿਰ ਹੈ।ਇਸ ਮੌਕੇ ਸਰਪੰਚ ਓਕਾਂਰ ਸਿੰਘ ਬਰਾੜ, ਮੱਲ ਸਿੰਘ ਮੁਟੇ, ਗੁਰਚਰਨ ਸਿੰਘ ਧਾਲੀਵਾਲ, ਬਲਰਾਜ ਸਿੰਘ ਬਰਾੜ, ਛਿੰਦਾ ਬਾਬੇਕਾ, ਕੁੱਕੂ ਬਾਬੇਕਾ, ਕੁੱਕੀ ਮੰਡੇਰ, ਬਲਜਿੰਦਰ ਮੰਡੇਰ, ਸੁਖਦੇਵ ਸੰਧੂ, ਸਰਪੰਚ ਸਰਬਨ ਸਿੰਘ, ਕੁਲਵੰਤ ਸਿੰਘ ਮੈਂਬਰ, ਗੁਰਤੇਜ ਮੰਡੇਰ, ਗੁਰਜੰਟ ਮੰਡੇਰ, ਮਲਕੀਤ ਮੰਡੇਰ, ਗੁਰਮੇਲ ਮੰਡੇਰ, ਗੁਰਜੰਟ ਸਿੰਘ ਪ੍ਰਾਪਰਟੀ ਡੀਲਰ, ਬਿੱਲੂ ਪ੍ਰਧਾਨ, ਜੀਤੀ ਮੈਂਗੀ, ਹਰਬੰਸ ਗਾਹਲਾ, ਬੂਟਾ ਸਿੰਘ ਪੰਚ, ਜਸਵੀਰ ਕੌਰ ਪੰਚ, ਬਲਵੀਰ ਕੌਰ ਪੰਚ, ਜਸਵੀਰ ਕੌਰ ਪੰਚ ਅਤੇ ਕ੍ਰਿਸ਼ਨਾ ਦੇਵੀ ਪੰਚ ਆਦਿ ਹਾਜਰ ਸਨ।