ਭਾਰਤ ਵਲੋਂ ਇੱਕ ਹੋਰ ਮਿਜਾਇਲ ਦਾ ਸਫਲ ਪ੍ਰੀਖਣ

ਜੋਧਪੁਰ – ਪੂਰਬੀ ਲੱਦਾਖ ਵਿੱਚ ਚੀਨ ਨਾਲ ਤਣਾਅ ਦਰਮਿਆਨ ਭਾਰਤ ਨੇ ਇਕ ਹੋਰ ਮਿਜ਼ਾਈਲ ਦਾ ਸਫਲ ਪ੍ਰੀਖਣ ਕੀਤਾ ਹੈ| ਡਿਫੈਂਸ ਰਿਸਰਚ ਐਂਡ ਡਿਜ਼ਾਈਨ ਆਰਗਨਾਈਜੇਸ਼ਨ (ਡੀ.ਆਰ.ਡੀ.ਓ.) ਵਲੋਂ ਬਣਾਈ ਗਈ ਐਂਟੀ-ਟੈਂਕ ਗਾਈਡੈਡ ਮਿਜ਼ਾਈਲ ‘ਨਾਗ’ ਦਾ ਸਫਲ ਪ੍ਰੀਖਣ ਰਾਜਸਥਾਨ ਦੇ ਪੋਖਰਨ ਵਿੱਚ ਕੀਤਾ ਗਿਆ| ਮਿਜ਼ਾਈਲ ਨੂੰ ਸਵੇਰੇ 6.45 ਵਜੇ ਪੋਖਰਨ ਫੀਲਡ ਫਾਈਰਿੰਗ ਰੇਂਜ ਤੋਂ ਦਾਗਿਆ ਗਿਆ| ਮਿਜ਼ਾਈਲ ਨੂੰ ਇਕ ਵਾਰਹੈਡ ਨਾਲ ਟੈਸਟ ਕੀਤਾ ਗਿਆ ਅਤੇ ਅੱਜ ਇਸ ਦਾ ਫਾਈਨਲ ਪ੍ਰੀਖਣ ਸੀ| ਇਸ ਤੋਂ ਬਾਅਦ ਹੁਣ ਮਿਜ਼ਾਈਲ ਪੂਰੀ ਤਰ੍ਹਾਂ ਨਾਲ ਫੌਜ ਵਿੱਚ ਸ਼ਾਮਲ ਹੋਣ ਲਈ ਤਿਆਰ ਹੈ| ਪਿਛਲੇ ਡੇਢ ਮਹੀਨਿਆਂ ਵਿੱਚ ਡੀ.ਆਰ.ਡੀ.ਓ. ਨੇ ਘੱਟੋਂ-ਘੱਟ 12 ਮਿਜ਼ਾਈਲ ਪ੍ਰੀਖਣ ਜਾਂ ਸਿਸਟਮ ਪ੍ਰੀਖਣ ਕੀਤੇ ਹਨ, ਜੋ ਮਿਜ਼ਾਈਲਾਂ ਦੀ ਮਦਦ ਨਾਲ ਲੜਾਕੂ ਜ਼ਰੂਰਤਾਂ ਨੂੰ ਪੂਰਾ ਕਰਦੇ ਹਨ|ਜਿਕਰਯੋਗ ਹੈ ਕਿ ਪਿਛਲੇ ਕਾਫੀ ਸਮੇਂ ਤੋਂ ਡੀ.ਆਰ.ਡੀ.ਓ. ਸ਼ਕਤੀਸ਼ਾਲੀ ਮਿਜ਼ਾਈਲਾਂ ਦਾ ਪ੍ਰੀਖਣ ਕਰ ਰਿਹਾ ਹੈ| ਡੀ.ਆਰ.ਡੀ.ਓ. ਮੁਖੀ ਨੇ ਕਿਹਾ ਕਿ ਫੌਜ ਲਈ ਸਵਦੇਸ਼ੀ ਮਿਜ਼ਾਈਲਾਂ ਤਿਆਰ ਕੀਤੀਆਂ ਜਾ ਰਹੀਆਂ ਹਨ ਤਾਂ ਕਿ ਇਸ ਖੇਤਰ ਵਿੱਚ ਭਾਰਤ ਨੂੰ ਆਤਮਨਿਰਭਰ ਬਣਾਇਆ ਜਾ ਸਕੇ| ਜਿਕਰਯੋਗ ਹੈ ਕਿ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਰੱਖਿਆ ਖੋਜ ਅਤੇ ਵਿਕਾਸ ਵਿੱਚ ਸਟਾਰਟ-ਅਪ ਅਤੇ ਮਾਈਕ੍ਰੋ, ਛੋਟੇ ਅਤੇ ਦਰਮਿਆਨੇ ਉਦਯੋਗਾਂ ਸਮੇਤ ਭਾਰਤੀ ਉਦਯੋਗਾਂ ਦੀ ਭਾਗੀਦਾਰੀ ਨੂੰ ਉਤਸ਼ਾਹਿਤ ਕਰਨ ਲਈ ਡੀ.ਆਰ.ਡੀ.ਓ. ਪ੍ਰੋਕਿਓਰਮੈਂਟ ਮੈਨੂਅਲ 2020 ਦਾ ਇਕ ਨਵਾਂ ਵਰਜਨ ਜਾਰੀ ਕੀਤਾ ਸੀ|