ਸੰਸਦ ਕੰਪਲੈਕਸ ਵਿੱਚ ਸਵੱਛਤਾ ਮੁਹਿੰਮ ਦੌਰਾਨ ਸਪੀਕਰ ਸਮੇਤ ਕਈ ਸੰਸਦ ਮੈਂਬਰਾਂ ਨੇ ਲਗਾਇਆ ਝਾੜੂ

ਨਵੀਂ ਦਿੱਲੀ – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਸਵੱਛ ਭਾਰਤ ਮੁਹਿੰਮ’ ਲੋਕਤੰਤਰ ਦੇ ਮੰਦਰ ਸੰਸਦ ਵਿੱਚ ਵੀ ਪਹੁੰਚ ਗਿਆ ਹੈ| ਅੱਜ ਸੰਸਦ ਵਿੱਚ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜੋ ਇਸ ਤੋਂ ਪਹਿਲਾਂ ਕਦੇ ਨਹੀਂ ਦੇਖਿਆ| ਜਿਕਰਯੋਗ ਹੈ ਕਿ ਸੰਸਦ ਦੇ ਕੰਪਲੈਕਸ ਵਿੱਚ ਭਾਜਪਾ ਦੇ ਦਿੱਗਜ ਮੰਤਰੀ ਅਤੇ ਸੰਸਦ ਮੈਂਬਰ ਖੁਦ ਝਾੜੂ ਲੈ ਕੇ ਸਫਾਈ ਕਰਨ ਪਹੁੰਚੇ| ਲੋਕ ਸਭਾ ਸਪੀਕਰ ਓਮ ਬਿਰਲਾ ਦੀ ਅਗਵਾਈ ਵਿੱਚ ਇਹ ਸਵੱਛਤਾ ਮੁਹਿੰਮ ਚਲਾਈ ਗਈ| ਮਥੁਰਾ ਤੋਂ ਭਾਜਪਾ ਸੰਸਦ ਮੈਂਬਰ ਹੇਮਾ ਮਾਲਿਨੀ ਅਤੇ ਹਮੀਰਪੁਰ ਤੋਂ ਭਾਜਪਾ ਸੰਸਦ ਮੈਂਬਰ ਅਤੇ ਕੇਂਦਰੀ ਰਾਜ ਮੰਤਰੀ ਅਨੁਰਾਗ ਠਾਕੁਰ ਸੰਸਦ ਵਿੱਚ ਝਾੜੂ ਲਗਾਉਂਦੇ ਹੋਏ ਦਿਖੇ ਹਨ|ਸਫਾਈ ਮੁਹਿੰਮ ਤੋਂ ਬਾਅਦ ਹੇਮਾ ਨੇ ਦੱਸਿਆ, ”ਇਹ ਬਹੁਤ ਸ਼ਲਾਘਾਯੋਗ ਕਦਮ ਹੈ ਕਿ ਮਹਾਤਮਾ ਗਾਂਧੀ ਦੀ 150ਵੀਂ ਜਯੰਤੀ ਤੇ ਸੰਸਦ ਕੰਪਲੈਕਸ ਵਿੱਚ ‘ਸਵੱਛਤਾ ਭਾਰਤ ਮੁਹਿੰਮ’ ਨੂੰ ਪੂਰਾ ਕਰਨ ਲਈ ਸਦਨ ਦੇ ਸਪੀਕਰ ਓਮ ਬਿਰਲਾ ਨੇ ਪਹਿਲ ਕੀਤੀ| ਮੈਂ ਅਗਲੇ ਹਫਤੇ ਮਥੁਰਾ ਵਾਪਸ ਜਾਵਾਂਗੀ ਅਤੇ ਉੱਥੇ ਵੀ ਇਸ ਮੁਹਿੰਮ ਚਲਾਵਾਂਗੀ|