ਬੈਂਗਲੁਰੂ ਏਅਰ ਸ਼ੋਅ ਰਿਹਰਸਲ ਦੌਰਾਨ ਆਪਸ ਵਿੱਚ ਟਕਰਾਏ 2 ਏਅਰਕ੍ਰਾਫਟ

ਬੈਂਗਲੁਰੂ – ਕਰਨਾਟਕ ਦੇ ਬੈਂਗਲੁਰੂ ਵਿੱਚ ਏਅਰ ਸ਼ੋਅ ਦੀ ਰਿਹਰਸਲ ਦੌਰਾਨ 2 ਏਅਰਕ੍ਰਾਫਟ ਟਕਰਾਅ ਗਏ| ਹਾਲਾਂਕਿ ਦੋਵੇਂ ਜਹਾਜ਼ਾਂ ਦੇ ਪਾਇਲਟ ਸੁਰੱਖਿਅਤ ਦੱਸੇ ਜਾ ਰਹੇ ਹਨ| ਹਾਦਸੇ ਤੋਂ ਬਾਅਦ ਆਸਮਾਨ ਵਿੱਚ ਧੂੰਏ ਦਾ ਗੁਬਾਰ ਵੀ ਦੇਖਿਆ ਗਿਆ| ਜ਼ਿਕਰਯੋਗ ਹੈ ਕਿ ਬੈਂਗਲੁਰੂ ਦੇ ਯੇਲਾਹੰਕਾ ਏਅਰਬੇਸ ਵਿੱਚ ਬੁੱਧਵਾਰ ਨੂੰ ਏਅਰ ਸ਼ੋਅ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ| ਉਸ ਤੋਂ ਪਹਿਲਾਂ ਭਾਰਤੀ ਹਵਾਈ ਫੌਜ ਦੇ ਜਹਾਜ਼ ਇੱਥੇ ਪ੍ਰਦਰਸ਼ਨ ਦੀ ਰਿਹਰਸਲ ਕਰ ਰਹੇ ਹਨ| ਰਿਹਰਸਲ ਦੌਰਾਨ ਹੀ 2 ਸੂਰੀਆ ਕਿਰਨ ਏਅਰਕ੍ਰਾਫਟ ਉਡਾਣ ਭਰਦੇ ਹੋਏ ਟਕਰਾਅ ਗਏ| ਦੋਵੇਂ ਏਅਰਕ੍ਰਾਫਟ ਦੇ ਪਾਇਲਟ ਸੁਰੱਖਿਅਤ ਦੱਸੇ ਜਾ ਰਹੇ ਹਨ| ਫਿਲਹਾਲ ਹਾਦਸੇ ਦੇ ਪਿੱਛੇ ਦਾ ਕਾਰਨ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ ਪਰ ਇਹ ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਜਹਾਜ਼ਾਂ ਵਿੱਚ ਆਪਸ ਵਿੱਚ ਟੱਕਰ ਦੌਰਾਨ ਹਾਦਸਾ ਹੋਇਆ| 1996 ਵਿੱਚ ਸੂਰੀਆ ਕਿਰਨ ਟੀਮ ਦਾ ਗਠਨ ਕੀਤਾ ਗਿਆ ਸੀ|