ਪੁਲਵਾਮਾ ਵਿੱਚ ਪੁਲੀਸ ਪਾਰਟੀ ਉਤੇ ਪਥਰਾਅ, ਇੱਕ ਜਵਾਨ ਜ਼ਖਮੀ

ਸ਼੍ਰੀਨਗਰ ਅੱਜ ਦੱਖਣੀ ਕਸ਼ਮੀਰ ਦੇ ਪੁਲਵਾਮਾ ਵਿੱਚ ਪੱਥਰਬਾਜ਼ਾਂ ਨੇ ਪੁਲੀਸ ਪਾਰਟੀ ਨੂੰ ਨਿਸ਼ਾਨਾ ਬਣਾ ਕੇ ਜਮ ਕੇ ਪਥਰਾਅ ਕੀਤਾ| ਇਸ ਦੌਰਾਨ ਇਕ ਪੁਲੀਸ ਕਰਮੀ ਵੀ ਜ਼ਖਮੀ ਹੋ ਗਿਆ| ਸੂਤਰਾਂ ਮੁਤਾਬਕ ਮੁਰਾਨ ਵੱਲ ਜਾ ਰਹੀ ਪੁਲੀਸ ਦੀ ਇਕ ਪਾਰਟੀ ਨੂੰ ਕੰਗਨ ਪਿੰਡ ਵਿੱਚ ਵਿਅਕਤੀਆਂ ਨੇ ਆਪਣਾ ਨਿਸ਼ਾਨਾਂ ਬਣਾਇਆ| ਪਥਰਾਅ ਵਿੱਚ ਜ਼ਖਮੀ ਹੋਇਆ ਪੁਲੀਸ ਕਰਮੀ ਡ੍ਰਾਈਵਰ ਹੈ ਅਤੇ ਉਸ ਦੀ ਪਛਾਣ ਸ਼ਹਿਨਸ਼ਾਹ ਦੇ ਰੂਪ ਵਿੱਚ ਹੋਈ ਹੈ| ਉਸ ਦੇ ਸਿਰ ਵਿੱਚ ਪੱਥਰ ਲੱਗਿਆ ਹੈ, ਜਿਸ ਨਾਲ ਉਸ ਨੂੰ ਕਾਫੀ ਸੱਟ ਲੱਗੀ ਹੈ| ਜ਼ਖਮੀ ਪੁਲੀਸਕਰਮੀ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ|