ਕਿਸਾਨਾਂ ਨੂੰ ਛੇਤੀ ਮਿਲ ਸਕਦੇ ਨੇ ਨਰਿੰਦਰ ਤੋਮਰ: ਸ਼ਾਹ

ਬੋਲਪੁਰ – ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਅੱਜ ਕਿਹਾ ਕਿ ਖੇਤੀ ਮੰਤਰੀ ਨਰਿੰਦਰ ਤੋਮਰ ਅਗਲੇ ਇਕ-ਦੋ ਦਿਨਾਂ ’ਚ ਖੇਤੀ ਕਾਨੂੰਨਾਂ ਦੇ ਵਿਰੋਧ ’ਚ ਕੌਮੀ ਰਾਜਧਾਨੀ ਦੀਆਂ ਬਰੂਹਾਂ ’ਤੇ ਮੋਰਚੇ ਲਾਈ ਬੈਠੀਆਂ ਕਿਸਾਨ ਯੂਨੀਅਨਾਂ ਨਾਲ ਮੀਟਿੰਗ ਕਰ ਸਕਦੇ ਹਨ। ਸ਼ਾਹ ਨੇ ਕਿਹਾ, ‘ਮੈਨੂੰ ਮੀਟਿੰਗ ਦੇ ਸਮੇਂ ਬਾਰੇ ਨਹੀਂ ਪਤਾ, ਪਰ ਤੋਮਰ ਭਲਕੇ ਜਾਂ ਇਕ ਦਿਨ ਮਗਰੋਂ ਕਿਸਾਨ ਨੁਮਾਇੰਦਿਆਂ ਨਾਲ ਉਨ੍ਹਾਂ ਦੀਆਂ ਮੰਗਾਂ ’ਤੇ ਚਰਚਾ ਲਈ ਮੀਟਿੰਗ ਕਰ ਸਕਦੇ ਹਨ।’