ਹਰਿਆਣਾ ਸਰਕਾਰ ਨੇ ਸੂਬੇ ਵਿਚ ਕੰਮ ਕਰਦੇ ਗੈਸਟ ਟੀਚਰਾਂ ਦਾ ਵੇਤਨ 25 ਫੀਸਦੀ ਵੱਧਾ ਦਿੱਤਾ – ਖਜਾਨਾ ਮੰਤਰੀ

ਚੰਡੀਗੜ੍ਰ – ਹਰਿਆਣਾ ਸਰਕਾਰ ਨੇ ਸੂਬੇ ਵਿਚ ਕੰਮ ਕਰਦੇ ਗੈਸਟ ਟੀਚਰਾਂ ਦਾ ਵੇਤਨ 25 ਫੀਸਦੀ ਵੱਧਾ ਦਿੱਤਾ ਹੈ| ਇਹ ਜਾਣਕਾਰੀ ਦਿੰਦੇ ਹੋਏ ਹਰਿਆਣਾ ਦੇ ਖਜਾਨਾ ਮੰਤਰੀ ਕੈਪਟਨ ਅਭਿਮਨਿਊ ਨੇ ਦਸਿਆ ਕਿ 1 ਜਨਵਰੀ, 2019 ਤੋਂ ਗੈਸਟ ਟੀਚਰਾਂ ਦੀ ਤਨਖਾਹ ਵਿਚ ਸਾਲ ਵਿਚ ਦੋ ਵਾਰ ਵਾਧਾ ਹੋਵੇਗਾ| ਉਨਾਂ ਦਸਿਆ ਕਿ ਹਰਿਆਣਾ ਵਿਚ 13,771 ਗੈਸਟ ਟੀਚਰਾਂ ਕੰਮ ਕਰਦੇ ਹਨ ਅਤੇ ਫਿਲਹਾਲ ਜੋ ਵਾਧਾ ਹੋਇਆ ਹੈ, ਉਸ ਨਾਲ ਗੈਸਟ ਟੀਚਰਾਂ ਨੂੰ ਸਾਲਾਨਾ ਕਰੀਬ 87 ਕਰੋੜ ਰੁਪਏ ਦਾ ਲਾਭ ਹੋਵੇਗਾ| ਖਜਾਨਾ ਮੰਤਰੀ ਅਨੁਸਾਰ ਸੂਬੇ ਸਰਕਾਰ ਨੇ ਗੈਸਟ ਟੀਚਰਾਂ ਦੀ ਤਨਖਾਹ ਵਿਚ ਵਾਧਾ ਕਰਦੇ ਹੋਏ ਇਸ ਨੂੰ 26,000 ਰੁਪਏ ਤੋਂ ਲੈ ਕੇ 36,000 ਰੁਪਏ ਤਕ ਕਰ ਦਿੱਤਾ ਹੈ| ਉਨਾਂ ਦਸਿਆ ਕਿ ਪਹਿਲੇ ਜੀ.ਬੀ.ਟੀ. ਅਤੇ ਡਰਾਇੰਗ ਟੀਚਰਾਂ ਨੂੰ 21,715 ਰੁਪਏ ਮਿਲਦੇ ਸਨ, ਹੁਣ ਉਨਾਂ ਨੂੰ 26,000 ਰੁਪਏ ਪ੍ਰਤੀ ਮਹੀਨਾ ਮਿਲੇਗਾ| ਟੀ.ਜੀ.ਟੀ. ਨੂੰ 24,001 ਰੁਪਏ ਦੀ ਥਾਂ 36,000 ਰੁਪਏ ਮਹੀਨਾ ਤਨਖਾਹ ਮਿਲੇਗਾ| ਉਨਾਂ ਦਸਿਆ ਕਿ ਹਰਿਆਣਾ ਵਿਚ ਗੈਸਟ ਟੀਚਰਾਂ ਵੱਜੋਂ 6252 ਜੇ.ਬੀ.ਟੀ., 5554 ਟੀ.ਜੀ.ਟੀ. ਅਤੇ 1925 ਪੀ.ਜੀ.ਟੀ. ਕੰਮ ਕਰਦੇ ਹਨ| ਪਹਿਲਾਂ ਇੰਨਾਂ ਨੂੰ ਸਾਲਾਨਾ ਕਰੀਬ 392 ਕਰੋੜ ਰੁਪਏ ਤਨਖਾਹ ਮਿਲਦੀ ਸੀ, ਜੋ ਕਿ ਹੁਣ ਵੱਧ ਕੇ ਕਰੀਬ 479 ਕਰੋੜ ਹੋ ਗਿਆ ਹੈ| ਕੈਪਟਨ ਅਭਿਮਨਿਊ ਨੇ ਦਸਿਆ ਕਿ 1 ਜਨਵਰੀ, 2019 ਤੋਂ ਗੈਸਟ ਟੀਚਰਾਂ ਦੀ ਤਨਖਾਹ ਵਿਚ ਸਾਲ ਵਿਚ ਦੋ ਵਾਰ ਯਾਨੀ 1 ਜਨਵਰੀ ਅਤੇ 1 ਜੁਲਾਈ ਨੂੰ ਵਾਧਾ ਹੋਵੇਗਾ| ਉਨਾਂ ਦਸਿਆ ਕਿ 1 ਜਨਵਰੀ, 2017 ਨੂੰ ਗੈਸਟ ਟੀਚਰਾਂ ਦੀ ਤਨਖਾਹ ਵਿਚ 14.29 ਫੀਸਦੀ ਦੀ ਵਾਧਾ ਕੀਤਾ ਗਿਆ ਸੀ ਅਤੇ ਹੁਣ ਸਰਕਾਰ ਨੇ 25 ਫੀਸਦੀ ਦਾ ਵਾਧਾ ਕੀਤਾ ਹੈ|