ਇਸਰੋ ਨੇ ਸਫ਼ਲਤਾਪੂਰਵਕ ਭੇਜਿਆ ਜੀ.ਸੈਟ-29

ਚੇਨਈ – ਇਸਰੋ ਸਪੇਸ ’ਚ ਲਗਾਤਾਰ ਆਪਣੀ ਪਕੜ ਮਜ਼ਬੂਤ ਕਰ ਰਿਹਾ ਹੈ। ਇਸੇ ਕੜੀ ਤਹਿਤ ਇਸਰੋ ਨੇ ਅੱਜ ਤਾਮਿਲਨਾਡੂ ਦੇ ਸ੍ਰੀਹਰੀਕੋਟਾ ਤੋਂ ਸੰਚਾਰ ਉਪਗ੍ਰਹਿ ਜੀ.ਐਸ.ਟੀ-29 ਨੂੰ ਸ਼ਾਮ 5:08 ਵਜੇ ਲਾਂਚ ਕੀਤਾ ਹੈ। ਸਪੇਸ ਵਿੱਚ ਭਾਰਤ ਲਈ ਇਹ ਇੱਕ ਹੋਰ ਵੱਡੀ ਸਫ਼ਲਤਾ ਹੈ। 3423 ਕਿੱਲੋਗ੍ਰਾਮ ਵਜ਼ਨ ਵਾਲਾ ਉਪਗ੍ਰਹਿ ਜੀ.ਐਸ.ਐਲ.ਵੀ-ਐਮ-ਕੇ.3-ਡੀ.2 ਦੀ ਮਦਦ ਨਾਲ ਸਤੀਸ਼ ਧਵਨ ਸਪੇਸ ਕੇਂਦਰ ਤੋਂ ਲਾਂਚ ਕੀਤਾ ਗਿਆ। ਇਸਰੋ ਮੁਤਾਬਿਕ ਲਾਂਚ ਹੋਣ ਤੋਂ ਬਾਅਦ ਇਹ ਧਰਤੀ ਤੋਂ ਕਰੀਬ 36 ਹਜ਼ਾਰ ਕਿਲੋਮੀਟਰ ਦੂਰ ਜਿਓਸਟੇਸ਼ਨਰੀ ਆਰਬਿਟ ’ਚ ਸਥਾਪਿਤ ਹੋਵੇਗਾ।