ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਜਿਲਾ ਨੂੰਹ ਦੇ ਰਕਬਰ ਖਾਨ ਉਰਫ ਅਕਬਰ ਖਾਨ ਦੇ ਪਰਿਵਾਰ ਨੂੰ 5 ਲੱਖ ਰੁਪਏ ਦੀ ਮਦਦ ਦੇਣ ਦਾ ਐਲਾਨ ਕੀਤਾ

ਚੰਡੀਗੜ੍ਹ – ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਅੱਜ ਜਿਲਾ ਨੂੰਹ ਦੇ ਫਿਰੋਜਪੁਰ ਝਿਰਕਾ ਦੇ ਪਿੰਡ ਕੌਲ ਵਾਸੀ ਰਕਬਰ ਖਾਨ ਉਰਫ ਅਕਬਰ ਖਾਨ ਦੇ ਪਰਿਵਾਰ ਲਈ 5 ਲੱਖ ਰੁਪਏ ਦੀ ਮਦਦ ਰਕਮ ਦਾ ਐਲਾਨ ਕੀਤਾ׀ ਇਸ ਤਰ੍ਹਾਂ, ਹਰਿਆਣਾ ਵਕਫ ਬੋਰਡ ਦੇ ਚੇਅਰਮੈਨ ਰਹਿਸਾ ਖਾਨ ਨੇ ਵੀ ਰਕਬਰ ਖਾਨ ਉਰਫ ਅਕਬਰ ਖਾਨ ਦੇ ਪਰਿਵਾਰ ਲਈ 3 ਲੱਖ ਰੁਪਏ ਦੀ ਮਦਦ ਰਕਮ ਦੇਣ ਦਾ ਐਲਾਨ ਕੀਤਾ׀ ਇਸ ਤਰ੍ਹਾਂ ਨਾਲ ਰਕਬਰ ਖਾਨ ਉਰਫ ਅਕਬਰ ਖਾਨ ਦੇ ਪਰਿਵਾਰ ਨੂੰ ਸਰਕਾਰ ਵੱਲੋਂ ਕੁਲ 8 ਲੱਖ ਰੁਪਏ ਦੀ ਮਦਦ ਦੇਣ ਦਾ ਐਲਾਨ ਕੀਤਾ ਗਿਆ ਹੈ׀ ਵਰਣਨਯੋਗ ਹੈ ਕਿ ਪਿਛਲੇ ਦਿਨੀਂ ਰਕਬਰ ਖਾਨ ਉਰਫ ਅਕਬਰ ਖਾਨ ਦੀ ਰਾਜਸਥਾਨ ਦੇ ਅਲਵਰ ਦੇ ਰਾਮਗੜ ਖੇਤਰ ਵਿਚ ਗਾਂ ਤੇ ਬਛੜਾ ਲਿਆਉਂਦੇ ਸਮੇਂ ਭੀੜ ਵੱਲੋਂ ਹੱਤਿਆ ਕਰ ਦਿੱਤੀ ਸੀ׀ ਰਕਬਰ ਖਾਨ ਉਰਫ ਅਕਬਰ ਖਾਨ ਜਿਲਾ ਨੂੰਹ ਦੇ ਫਿਰੋਜਪੁਰ ਝਿਰਕਾ ਦੇ ਪਿੰਡ ਕੌਲ ਦਾ ਰਹਿਣ ਵਾਲਾ ਸੀ ਅਤੇ ਉਸ ਦੀ ਚਾਰ ਕੁੜੀਆਂ ਤੇ ਤਿੰਨ ਬੇਟੇ ਹਨ׀ ਇਸ ਮਾਮਲੇ ਦੀ ਅਜੇ ਜਾਂਚ ਜਾਰੀ ਹੈ