ਈ. ਡੀ. ਨੇ ਫਿਰ ਚਿਦਾਂਬਰਮ ਕੋਲੋਂ ਕੀਤੀ ਪੁੱਛਗਿੱਛ

ਨਵੀਂ ਦਿੱਲੀ – ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਨੇ ਏਅਰਸੈੱਲ-ਮੈਕਸਿਸ ਮਨੀ ਲਾਂਡਰਿੰਗ ਮਾਮਲੇ ਵਿਚ ਸਾਬਕਾ ਕੇਂਦਰੀ ਮੰਤਰੀ ਪੀ. ਚਿਦਾਂਬਰਮ ਕੋਲੋਂ ਸ਼ੁੱਕਰਵਾਰ ਨੂੰ ਫਿਰ ਪੁੱਛਗਿੱਛ ਕੀਤੀ। ਚਿਦਾਂਬਰਮ ਦਾ ਬਿਆਨ ਮਨੀ ਲਾਂਡਰਿੰਗ ਰੋਕਥਾਮ ਕਾਨੂੰਨ (ਪੀ. ਐੱਮ. ਐੱਲ. ਏ.) ਦੇ ਤਹਿਤ ਦਰਜ ਕੀਤਾ ਜਾਵੇਗਾ। ਸਮਝਿਆ ਜਾਂਦਾ ਹੈ ਕਿ ਜਾਂਚ ਏਜੰਸੀ ਇਸ ਸੌਦੇ ਬਾਰੇ ਚਿਦਾਂਬਰਮ ਕੋਲੋਂ ਕੁਝ ਨਵੇਂ ਸਵਾਲ ਪੁੱਛਣਾ ਚਾਹੁੰਦੀ ਹੈ। ਉਸਨੇ ਇਸ ਤੋਂ ਪਹਿਲਾਂ ਇਸ ਸੌਦੇ ਬਾਰੇ ਐੱਫ. ਆਈ. ਪੀ. ਬੀ. ਦੇ ਅਧਿਕਾਰੀਆਂ ਦਾ ਬਿਆਨ ਦਰਜ ਕੀਤਾ ਸੀ। ਆਸ ਹੈ ਕਿ ਚਿਦਾਂਬਰਮ ਦਾ ਉਨ੍ਹਾਂ ਸਾਰਿਆਂ ਨਾਲ ਆਹਮਣਾ ਸਾਹਮਣਾ ਕਰਵਾਇਆ ਜਾਵੇਗਾ। ਪਹਿਲਾਂ ਚਿਦਾਂਬਰਮ ਕੋਲੋਂ ਉਨ੍ਹਾਂ ਦੇ ਵਿੱਤ ਮੰਤਰੀ ਰਹਿਣ ਦੌਰਾਨ ਵਿਦੇਸ਼ੀ ਨਿਵੇਸ਼ ਸੰਵਰਧਨ ਬੋਰਡ (ਜੋ ਹੁਣ ਹੋਂਦ ਵਿਚ ਨਹੀਂ) ਵਲੋਂ ਏਅਰਸੈੱਲ-ਮੈਕਸਿਸ ਸੌਦੇ ਨੂੰ ਮਨਜ਼ੂਰੀ ਦੇਣ ਵਿਚ ਅਪਣਾਈ ਗਈ ਪ੍ਰਕਿਰਿਆ ਅਤੇ ਤਤਕਾਲੀਨ ਹਾਲਤ ਬਾਰੇ ਸਵਾਲ ਕੀਤੇ ਗਏ ਸਨ।