ਜਿਲ੍ਹਾ ਅਤੇ ਸ਼ੈਸ਼ਨ ਜੱਜ ਵਲੋਂ ਚਿਲਡਰਨ ਹੋਮਜ ਦਾ ਅਚਨਚੇਤ ਨਿਰੀਖਣ

ਐਸ ਏ ਐਸ ਨਗਰ – ਸ੍ਰੀ ਵਿਵੇਕ ਪੁਰੀ, ਜਿਲ੍ਹਾ ਅਤੇ ਸ਼ੈਸ਼ਨ ਜੱਜ-ਕਮ-ਚੇਅਰਮੈਨ, ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਐਸ. ਏ. ਐਸ. ਨਗਰ ਵਲੋਂ ਜਿਲ੍ਹੇ ਵਿੱਚ ਸਥਿਤ ਚਿਲਡਰਨ ਹੋਮਜ ਜਯੋਤੀ ਸਰੂਪ ਕੰਨਿਆ ਆਸਰਾ ਟਰਸਟ ਖਰੜ, ਯੂਨੀਵਰਸਲ ਡਿਸਏਬਲਡ ਕੇਅਰ ਟੇਕਰ ਸੋਸਾਇਟੀ ਪਡਿਆਲਾ, ਫਰਿਸ਼ਤਾ ਇੰਡੀਆ ਚਿਲਡਰਨਜ ਵਿਲੇਜ਼ ਮੁਬਾਰਕਪੁਰ (ਡੇਰਾਬਸੀ), ਮਹਾਂਰਿਸ਼ੀ ਦਯਾਨੰਦ ਬਾਲ ਆਸ਼ਰਮ ਮੁੰਡੀ ਖਰੜ, ਗੁਰੂ ਆਸਰਾ ਟਰਸਟ ਮੁਹਾਲੀ, ਅਪਨੇ ਫਾਂਊਂਡੇਸ਼ਨ ਮੁਹਾਲੀ, ਮਾਤਾ ਗੁਜਰੀ ਸੁੱਖ ਨਿਵਾਸ ਖਾਨਪੁਰ (ਖਰੜ) ਅਤੇ ਚਿਲਡਰਨ ਹੋਮ ਦੁਸਾਰਨਾ ਦਾ ਅਚਨਚੇਤ ਨਿਰੀਖਣ ਕੀਤਾ ਗਿਆ ਅਤੇ ਪ੍ਰਬੰਧਾਂ ਦਾ ਜਾਇਜਾ ਲਿਆ ਗਿਆ| ਇਸ ਮੌਕੇ ਬੱਚਿਆਂ ਨੂੰ ਪਰੋਸੇ ਜਾਂਦੇ ਖਾਣੇ ਬਾਰੇ ਪੜਤਾਲ ਕੀਤੀ ਅਤੇ ਨਿਰਦੇਸ਼ ਦਿੱਤੇ ਗਏ ਕਿ ਬੱਚਿਆਂ ਨੂੰ ਬਾਹਰ ਤੋਂ ਭੇਜਿਆ ਗਿਆ ਖਾਣਾ ਬਿਲਕੁਲ ਨਾ ਦਿੱਤਾ ਜਾਵੇ| ਉਨ੍ਹਾਂ ਕਿਹਾ ਕਿ ਬੱਚਿਆਂ ਦੀ ਸਰੀਰਕ ਸਫਾਈ ਅਤੇ ਰੋਟੀ ਪਾਣੀ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇ ਅਤੇ ਬਿਮਾਰ ਹੋਣ ਦੀ ਸੂਰਤ ਵਿਚ ਤੁਰੰਤ ਡਾਕਟਰੀ ਸਹਾਇਤਾ ਮੁਹੱਈਆ ਕਰਵਾਈ ਜਾਵੇ| ਇਸ ਮੌਕੇ ਤੇ ਉਨ੍ਹਾਂ ਨਾਲ ਸ੍ਰੀਮਤੀ ਸ਼ਿਖਾ ਗੋਇਲ, ਸਕੱਤਰ, ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਐਸ.ਏ.ਐਸ. ਨਗਰ ਵੀ ਹਾਜਰ ਸਨ|