ਬਸਪਾ ਨਾਲ ਗਠਬੰਧਨ ਨਾ ਹੋਣ ਉਤੇ ਕਾਂਗਰਸ ਤੇ ਨਹੀਂ ਪਵੇਗਾ ਕੋਈ ਫ਼ਰਕ – ਕਮਲ ਨਾਥ

ਭੋਪਾਲ – ਮੱਧ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਕਮਲ ਨਾਥ ਨੇ ਕਿਹਾ ਕਿ ਬਸਪਾ ਨਾਲ ਗਠਬੰਧਨ ਨਾ ਹੋਣ ਉਤੇ ਸਾਨੂੰ ਕੋਈ ਫ਼ਰਕ ਨਹੀਂ ਪਵੇਗਾ| ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਮਾਜਵਾਦੀ ਪਾਰਟੀ ਨਾਲ ਗਠਬੰਧਨ ਦੀ ਉਮੀਦ ਬਰਕਰਾਰ ਹੈ| ਦੋਨਾਂ ਪਾਰਟੀਆਂ ਦਰਮਿਆਨ ਗੱਲਬਾਤ ਚੱਲ ਰਹੀ ਹੈ| ਇਸ ਦੇ ਨਾਲ ਹੀ ਕਮਲ ਨਾਥ ਨੇ ਕਿਹਾ ਕਿ ਬਹੁਜਨ ਸਮਾਜ ਪਾਰਟੀ ਉਹ ਸੀਟਾਂ ਮੰਗ ਰਹੀ ਹੈ ਜਿੱਥੇ ਉਨ੍ਹਾਂ ਦਾ ਵੋਟ ਬੈਂਕ ਸਿਰਫ਼ 6 ਫ਼ੀਸਦੀ ਹੈ| ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਜਿਹੀਆਂ ਸੀਟਾਂ ਬਸਪਾ ਨੂੰ ਦੇ ਕੇ ਕਾਂਗਰਸ ਦਾ ਵੱਡਾ ਨੁਕਸਾਨ ਹੋਵੇਗਾ ਅਤੇ ਭਾਜਪਾ ਨੂੰ ਇਸ ਦਾ ਫ਼ਾਇਦਾ| ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਬਸਪਾ ਨੇ ਜਿਨ੍ਹਾਂ ਸੀਟਾਂ ਦੀ ਲਿਸਟ ਉਨ੍ਹਾਂ ਨੂੰ ਦਿੱਤੀ ਹੈ ਉਥੇ ਉਨ੍ਹਾਂ ਦੇ ਜਿੱਤਣ ਦਾ ਕੋਈ ਚਾਂਸ ਨਹੀਂ ਸੀ ਅਤੇ ਜਿਨ੍ਹਾਂ ਸੀਟਾਂ ਤੋਂ ਉਹ ਜਿੱਤ ਸਕਦੇ ਸਨ ਉਨ੍ਹਾਂ ਦਾ ਬਸਪਾ ਨੇ ਕਿਧਰੇ ਜ਼ਿਕਰ ਹੀ ਨਹੀਂ ਕੀਤਾ|