ਹੁਣ ਅਭਿਨੰਦਨ ਦਾ ਅਰਥ ਹੀ ਬਦਲ ਜਾਵੇਗਾ : ਨਰਿੰਦਰ ਮੋਦੀ

ਨਵੀਂ ਦਿੱਲੀ – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਕਿਹਾ ਕਿ ਕਦੇ ਅਭਿਨੰਦਨ ਦਾ ਅਰਥ ਹੁੰਦਾ ਸੀ ਸਵਾਗਤ ਅਤੇ ਹੁਣ ਅਭਿਨੰਦਨ ਦਾ ਅਰਥ ਹੀ ਬਦਲ ਜਾਵੇਗਾ| ਉਨ੍ਹਾਂ ਦੀ ਇਸ ਟਿੱਪਣੀ ਨੂੰ ਪਾਕਿਸਤਾਨ ਤੋਂ ਰਿਹਾਅ ਭਾਰਤੀ ਪਾਇਲਟ ਦੇ ਸੰਦਰਭ ਵਿੱਚ ਦੇਖਿਆ ਜਾ ਰਿਹਾ ਹੈ| ਮੋਦੀ ਨੇ ਇੱਥੇ ਇਕ ਪ੍ਰੋਗਰਾਮ ਦੌਰਾਨ ਕਿਹਾ,”ਭਾਰਤ ਦੀ ਤਾਕਤ ਹੈ ਕਿ ਉਹ ਡਿਕਸ਼ਨਰੀ ਦੇ ਸ਼ਬਦਾਂ ਦਾ ਅਰਥ ਬਦਲ ਦਿੰਦਾ ਹੈ| ਕਦੇ ਅਭਿਨੰਦਨ ਦਾ ਅਰਥ ਹੁੰਦਾ ਸੀ ਸਵਾਗਤ ਅਤੇ ਹੁਣ ਅਭਿਨੰਦਨ ਦਾ ਅਰਥ ਹੀ ਬਦਲ ਜਾਵੇਗਾ| ਪਾਕਿਸਤਾਨੀ ਜਹਾਜ਼ਾਂ ਵਲੋਂ ਭਾਰਤੀ ਹਵਾਈ ਸਰਹੱਦ ਦੀ ਉਲੰਘਣਾ ਦੌਰਾਨ ਸਾਹਸ ਦਾ ਪ੍ਰਦਰਸ਼ਨ ਕਰਨ ਵਾਲੇ ਵਿੰਗ ਕਮਾਂਡਰ ਅਭਿਨੰਦਨ ਸ਼ੁੱਕਰਵਾਰ ਰਾਤ ਨੂੰ ਪਾਕਿਸਤਾਨ ਤੋਂ ਦੇਸ਼ ਵਾਪਸ ਆਏ| ਉਨ੍ਹਾਂ ਦੀ ਵਾਪਸੀ ਤੋਂ ਪਹਿਲੇ ਦੇ ਕੁਝ ਘੰਟੇ ਸ਼ੱਕ ਨਾਲ ਭਰੇ ਰਹੇ| ਇਸ ਕਦਮ ਨੂੰ ਅੱਤਵਾਦ ਦਾ ਪਾਕਿਸਤਾਨ ਤੋਂ ਜਾਰੀ ਸਮਰਥਨ ਤੇ ਭਾਰਤ ਦੇ ਜਵਾਬ ਤੋਂ ਬਾਅਦ ਪੈਦਾ ਤਣਾਅ ਦੀ ਸਥਿਤੀ ਨੂੰ ਘੱਟ ਕਰਨ ਦੀ ਦਿਸ਼ਾ ਵਿੱਚ ਇਕ ਮਹੱਤਵਪੂਰਨ ਕਦਮ ਦੇ ਤੌਰ ਤੇ ਦੇਖਿਆ ਜਾ ਰਿਹਾ ਹੈ|