ਟਰੰਪ ਦੀ ਆਲੋਚਨਾ ਕਰਨ ਵਾਲੇ ਐਡਮਿਰਲ ਨੇ ਦਿੱਤਾ ਅਸਤੀਫਾ

ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਦੇਸ਼ ਲਈ ”ਸ਼ਰਮਨਾਕ” ਦੱਸਣ ਵਾਲੇ ਇਕ ਵੱਕਾਰੀ ਐਡਮਿਰਲ (ਰਿਟਾਇਰਡ) ਨੇ ਰੱਖਿਆ ਮੰਤਰਾਲੇ ਦੀ ਸਲਾਹਕਾਰ ਬੌਡੀ ਤੋਂ ਅਸਤੀਫਾ ਦੇ ਦਿੱਤਾ ਹੈ| ਪੇਂਟਾਗਨ ਨੇ ਬੀਤੇ ਦਿਨੀਂ ਇਸ ਸਬੰਧੀ ਜਾਣਕਾਰੀ ਦਿੱਤੀ| ਪੇਂਟਾਗਨ ਦੀ ਬੁਲਾਰਾ ਲੈਫਟੀਨੈਂਟ ਕਰਨਲ ਮਿਸ਼ੇਲ ਬਲਦਾਂਜਾ ਨੇ ਦੱਸਿਆ ਕਿ ਐਡਮਿਰਲ ਵਿਲੀਅਮ ਮੈਕਰਾਵੇਨ ਨੇ ਬੀਤੇ ਮਹੀਨੇ ਡਿਫੈਸ਼ ਇਨੋਵੇਸ਼ਨ ਬੋਰਡ ਤੋਂ ਅਸਤੀਫਾ ਦੇ ਦਿੱਤਾ ਸੀ| ਮੈਕਰਾਵੇਨ ਨੇ ਸਾਲ 2014 ਵਿਚ ਪਾਕਿਸਤਾਨ ਵਿਚ ਵਿਸ਼ੇਸ਼ ਮੁਹਿੰਮ ਚਲਾ ਕੇ ਅਲ-ਕਾਇਦਾ ਦੇ ਸਰਦਾਰ ਓਸਾਮਾ ਬਿਨ ਲਾਦੇਨ ਨੂੰ ਮਾਰਨ ਵਾਲੀ ਸਪੈਸ਼ਲ ਫੌਰਸਿਜ਼ ਦਾ ਸੰਚਾਲਨ ਕੀਤਾ ਸੀ|
ਮੈਕਰਾਵੇਨ ਦਾ ਲੇਖ ਅਖਬਾਰ ਵਿਚ ਪ੍ਰਕਾਸ਼ਿਤ ਹੋਣ ਦੇ 4 ਦਿਨ ਬਾਅਦ ਇਹ ਅਸਤੀਫਾ 20 ਅਗਸਤ ਤੋਂ ਪ੍ਰਭਾਵੀ ਹੋਇਆ ਹੈ| ਇਸ ਪੱਤਰ ਵਿਚ ਉਨ੍ਹਾਂ ਨੇ ਟਰੰਪ ਦੇ ਇਕ ਹੋਰ ਆਲੋਚਕ ਸੀ.ਆਈ.ਏ. ਦੇ ਸਾਬਕਾ ਨਿਰਦੇਸ਼ਕ ਜੌਨ ਬ੍ਰੈਨਨ ਦੀ ਸੁਰੱਖਿਆ ਮਨਜ਼ੂਰੀ ਨੂੰ ਰੱਦ ਕਰਨ ਦੇ ਫੈਸਲੇ ਉਤੇ ਟਰੰਪ ਉਤੇ ਗੁੱਸਾ ਜ਼ਾਹਰ ਕੀਤਾ ਸੀ| ਮੈਕਰਾਵੇਨ ਨੇ ਬ੍ਰੈਨਨ ਦੇ ਬਾਰੇ ਵਿਚ ਕਿਹਾ ਸੀ ਉਨ੍ਹਾਂ ਦੀ ਨਜ਼ਰ ਵਿਚ ਬ੍ਰੈਨਨ ਸਭ ਤੋਂ ਬਿਹਤਰੀਨ ਕਰਮਚਾਰੀਆਂ ਵਿਚੋਂ ਇਕ ਹੈ| ਨਾਲ ਹੀ ਉਨ੍ਹਾਂ ਨੇ ਕਿਹਾ ਸੀ ਕਿ ਜੇ ਉਨ੍ਹਾਂ ਦੀ ਸੁਰੱਖਿਆ ਮਨਜ਼ੂਰੀ ਵੀ ਰੱਦ ਕਰ ਦਿੱਤੀ ਜਾਵੇ ਤਾਂ ਇਹ ਉਨ੍ਹਾਂ ਲਈ ਸਨਮਾਨ ਦੀ ਗੱਲ ਹੋਵੇਗੀ| ਇਸ ਪੱਤਰ ਵਿਚ ਉਨ੍ਹਾਂ ਨੇ ਕਿਹਾ ਕਿ ਆਪਣੇ ਕੰਮਾਂ ਨਾਲ ਤੁਸੀਂ ਸਾਨੂੰ ਸਾਡੇ ਬੱਚਿਆਂ ਦੀ ਨਜ਼ਰ ਵਿਚ ਸ਼ਰਮਿੰਦਾ ਕੀਤਾ| ਗਲੋਬਲ ਮੰਚ ਉਤੇ ਸਾਨੂੰ ਬੇਇੱਜ਼ਤ ਕੀਤਾ ਅਤੇ ਸਭ ਤੋਂ ਬੁਰੀ ਗੱਲ ਹੈ ਕਿ ਇਕ ਕੌਮ ਦੇ ਤੌਰ ਉਤੇ ਸਾਨੂੰ ਵੰਡਿਆ|