ਡਿਪਲੋਮੈਟ ਅਹੁਦੇ ਤੋਂ ਅਸਤੀਫਾ ਦੇਣ ਵਾਲੇ ਭਾਰਤੀ ਅਮਰੀਕੀ ਕਾਂਗਰਸ ਲਈ ਲੜਨਗੇ ਚੋਣ

ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ ਦੀਆਂ ਨਸਲੀ ਤੇ ਇਮੀਗ੍ਰੇਸ਼ਨ ਨੀਤੀਆਂ ਨੂੰ ਸਹੀ ਠਹਿਰਾਉਣ ‘ਚ ਅਸਫਲ ਰਹਿਣ ਤੋਂ ਬਾਅਦ ਪਿਛਲੇ ਦਸੰਬਰ ‘ਚ ਆਪਣੇ ਡਿਪਲੋਮੈਟ ਅਹੁਦੇ ਤੋਂ ਅਸਤੀਫਾ ਦੇਣ ਵਾਲੇ ਭਾਰਤੀ-ਅਮਰੀਕੀ ਪ੍ਰੇਸਟਨ ਕੁਲਕਰਨੀ ਨੇ ਕਾਂਗਰਸ ਦੇ ਲਈ ਚੋਣ ਲੜਨ ਦਾ ਫੈਸਲਾ ਕੀਤਾ ਹੈ। ਕੁਲਕਰਨੀ ਦਾ ਪਰਿਵਾਰ ਭਾਰਤ ‘ਚ ਮਹਾਰਾਸ਼ਟਰ ਤੇ ਕਰਨਾਟਕ ਦਾ ਰਹਿਣ ਵਾਲਾ ਹੈ। ਉਨ੍ਹਾਂ ਦੀ ਵੈੱਬਸਾਈਟ ਦੇ ਮੁਤਾਬਕ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ‘ਚ ਹਮੇਸ਼ਾ ਹੋਰ ਦੇਸ਼ਾਂ ਨਾਲ ਸੰਘਰਸ਼ ਘੱਟ ਕਰਨ ਦੇ ਲਈ ਕੰਮ ਕੀਤਾ ਹੈ ਪਰ ਅਜੇ ਗੁੱਸੇ ਤੇ ਵਿਰੋਧ ਦੀ ਸਿਆਸਤ ਦੇ ਮਾਧਿਅਮ ਨਾਲ ਆਪਣੇ ਦੇਸ਼ ‘ਚ ਦੁਸ਼ਮਣੀ ਤੇ ਸੰਘਰਸ਼ ਵਧਦਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਆਪਣੀ ਵੈੱਬਸਾਈਟ ‘ਤੇ ਕਿਹਾ ਕਿ ਮੈਂ ਡੈਮੋਕ੍ਰੇਟਿਕ ਤੇ ਰੀਪਬਲਿਕਨ ਦੋਵਾਂ ਪਾਰਟੀਆਂ ਦੇ ਅਧੀਨ ਕੰਮ ਕੀਤਾ ਹੈ ਪਰ ਮੌਜੂਦਾ ਸਥਿਤੀ ਵੱਖਰੀ ਹੈ। ਕੁਲਕਰਨੀ ਡੈਮੋਕ੍ਰੇਟਿਕ ਵਲੋਂ ਰੀਪਬਲਿਕਨ ਪਾਰਟੀ ਦੇ ਪੀਟ ਓਲਸਨ ਦੇ ਖਿਲਾਫ ਲੜਨਗੇ। ਕੁਲਕਰਨੀ ਨੇ ਪੀਟੀਆਈ ਨੂੰ ਕਿਹਾ ਕਿ ਅਭਿਆਨ ਦੇ ਦੂਜੇ ਪਾਸੇ ਹੋਣਾ ਥੋੜਾ ਘਬਰਾਹਟ ਭਰਿਆ ਹੈ।