ਮੇਸੀ ਦੀ ਸੱਟ ਕਾਰਨ ਫਿੱਕਾ ਹੋਇਆ ਬਾਰਸੀਲੋਨਾ ਦਾ ਜਿੱਤ ਦਾ ਜਸ਼ਨ

ਬਾਰਸੀਲੋਨਾ – ਦਿੱਗਜ ਫੁੱਟਬਾਲਰ ਅਤੇ ਬਾਰਸੀਲੋਨਾ ਦੇ ਕਪਤਾਨ ਲਿਓਨਿਲ ਮੇਸੀ ਸੱਜੇ ਹੱਥ ‘ਚ ਫ੍ਰੈਕਚਰ ਕਾਰਨ ਤਿੰਨ ਹਫਤੇ ਤਕ ਮੈਦਾਨ ਤੋਂ ਦੂਰ ਰਹਿਣਗੇ। ਇਸ ਸੱਟ ਕਾਰਨ ਮੇਸੀ ਸਪੈਨਿਸ਼ ਲੀਗ ‘ਚ ਅਗਲੇ ਹਫਤੇ ਆਪਣੇ ਪੁਰਾਣੇ ਵਿਰੋਧੀ ਰੀਅਲ ਮੈਡ੍ਰਿਡ ਦੇ ਖਿਲਾਫ ਖੇਡੇ ਜਾਣ ਵਾਲੇ ਮੈਚ ਲਈ ਉਪਲਬਧ ਨਹੀਂ ਹੋ ਸਕਣਗੇ। ਇਸ ਤੋਂ ਇਲਾਵਾ ਉਹ ਚੈਂਪੀਅਨਸ ਲੀਗ ‘ਚ ਬੁੱਧਵਾਰ ਨੂੰ ਇੰਟਰ ਮਿਲਾਨ ਖਿਲਾਫ ਘਰੇਲੂ ਮੈਚ ਅਤੇ 6 ਨਵੰਬਰ ਨੂੰ ਇਟਲੀ ‘ਚ ਹੋਣ ਵਾਲੇ ਮੈਚ ‘ਚ ਵੀ ਨਹੀਂ ਖੇਡ ਸਕਣਗੇ।