ਅੰਨ੍ਹੇ ਸਿਸਟਮ ਨੂੰ ਸੱਚਾਈ ਦਿਖਾਉਣ ਦੀ ਲੋੜ : ਰਾਹੁਲ ਗਾਂਧੀ

ਨਵੀਂ ਦਿੱਲੀ – ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਸੰਕਟ ਵਿਚਕਾਰ ਲੋਕਾਂ ਨੂੰ ਇਕ-ਦੂਜੇ ਦੀ ਮਦਦ ਕਰਨ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਇਸ ਅੰਨ੍ਹੇ ਸਿਸਟਮ ਨੂੰ ਸੱਚ ਵਿਖਾਇਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਟਵੀਟ ਕੀਤਾ ਕਿ ਇਕ-ਦੂਜੇ ਦੀ ਮਦਦ ਕਰਦੀ ਆਮ ਜਨਤਾ ਵਿਖਾਉਂਦੀ ਹੈ ਕਿ ਕਿਸੇ ਦਾ ਦਿਲ ਛੂਹਣ ਲਈ ਹੱਥ ਛੂਹਣ ਦੀ ਲੋੜ ਨਹੀਂ।ਰਣਦੀਪ ਸੁਰਜੇਵਾਲਾ ਨੇ ਦਿੱਲੀ ਵਿੱਚ ਸ਼ਮਸ਼ਾਨ ਘਾਟਾਂ ਤੇ ਅੰਤਿਮ ਸੰਸਕਾਰ ਲਈ 20 ਘੰਟਿਆਂ ਤਕ ਦਾ ਇੰਤਜ਼ਾਰ ਕਰਨ ਸੰਬੰਧੀ ਖਬਰ ਦਾ ਹਵਾਲਾ ਦਿੰਦਿਆਂ ਹੋਏ ਕਿਹਾ ਕਿ ਇਹ ਤਸਵੀਰਾਂ ਮੋਦੀ ਸਰਕਾਰ ਦਾ ਜੀਵਨ ਭਰ ਪਿੱਛਾ ਨਹੀਂ ਛੱਡਣਗੀਆਂ। ਉਨ੍ਹਾਂ ਟਵੀਟ ਕੀਤਾ ਕਿ ਇਹ ਮਨੁੱਖਤਾ ਦੇ ਖ਼ਿਲਾਫ਼ ਹੈ। ਇਹ ਅਪਰਾਧ ਹੈ। ਅੰਤਿਮ ਸੰਸਕਾਰਾਂ ਦਾ ਇਹ ਅੰਤਹੀਨ ਸਿਲਸਿਲਾ ਅਹੰਕਾਰੀ ਸ਼ਾਸਕਾਂ ਦੇ ਪੱਥਰ ਦਿਲ ਦਾ ਸਬੂਤ ਹੈ। ਆਪਣੇ ਹੀ ਲੋਕਾਂ ਦੀਆਂ ਲਾਸ਼ਾਂ ਦੀ ਬੁਨਿਆਦ ਤੇ ਸਰਕਾਰ ਮਜਬੂਤ ਨਹੀਂ ਹੋ ਸਕਦੀ। ਇਹ ਤਸਵੀਰਾਂ ਅਤੇ ਘਟਨਾਵਾਂ ਮੋਦੀ ਸਰਕਾਰ ਦਾ ਜੀਵਨ ਭਰ ਪਿੱਛਾ ਕਰਨਗੀਆਂ।