ਡਾ. ਸੁਜਾਤਾ ਸ਼ਰਮਾ ਨੇ ਡਾਇਰੈਕਟਰ ਡਾਕਟਰੀ ਸਿੱਖਿਆ ਤੇ ਖੋਜ ਵਜੋਂ ਅਹੁਦਾ ਸੰਭਾਲਿਆ

ਚੰਡੀਗੜ੍ਹ – ਡਾ. ਸੁਜਾਤਾ ਸ਼ਰਮਾ ਨੇ ਡਾਇਰੈਕਟਰ ਡਾਕਟਰੀ ਸਿੱਖਿਆ ਤੇ ਖੋਜ ਵਜੋਂ ਅਹੁਦਾ ਸੰਭਾਲ ਲਿਆ ਹੈ। ਸ੍ਰੀਮਤੀ ਸ਼ਰਮਾ 1984 ਵਿੱਚ ਬਤੌਰ ਪੀ.ਸੀ.ਐਮ.ਐਸ.1 ਸਰਕਾਰੀ ਸੇਵਾ ਦੀ ਸ਼ੁਰੂਆਤ ਕੀਤੀ ਸੀ। ਆਪਣੇ ਕਾਰਜਕਾਲ ਦੌਰਾਨ ਉਹ ਅੰਮ੍ਰਿਤਸਰ ਮੈਡੀਕਲ ਕਾਲਜ ਦੇ ਪ੍ਰਿੰਸੀਪਲ ਰਹਿਣ ਤੋਂ ਇਲਾਵਾ ਓਬਸਟ੍ਰਿਕ ਐਂਡ ਗਾਇਨੀ ਵਿਭਾਗ ਦੇ ਪ੍ਰੋਫੈਸਰ ਅਤੇ ਮੁਖੀ ਰਹੇ ਹਨ।ਅੰਤਰਰਾਸ਼ਟਰੀ, ਕੌਮੀ ਅਤੇ ਸੂਬਾਈ ਪੱਧਰ ਦੀਆਂ 100 ਤੋਂ ਵੱਧ ਕਾਨਫਰੰਸਾਂ ਵਿੱਚ ਪਰਚੇ ਪੜ੍ਹ ਚੁੱਕੇ ਹਨ ਅਤੇ 36 ਦੇ ਕਰੀਬ ਪਰਚੇ ਲਿਖਣ ਤੋਂ ਇਲਾਵਾ ਓਬਸਟ੍ਰਿਕ ਐਂਡ ਗਾਇਨੀ ਸਬੰਧੀ ਕਿਤਾਬ ਦੇ 3 ਚੈਪਟਰ ਲਿਖੇ ਹਨ। ਉਹਨਾਂ ਕੋਲ ਪ੍ਰਸ਼ਾਸਨਿਕ ਸੇਵਾਵਾਂ ਨਿਭਾਉਣ ਦਾ ਲੰਬਾ ਤਜਰਬਾ ਵੀ ਹੈ।