ਪ੍ਰਧਾਨ ਮੰਤਰੀ ਰਾਜਨੀਤੀ ਤੇ ਘੱਟ ਅਤੇ ਬੱਚਿਆਂ ਤੇ ਜ਼ਿਆਦਾ ਧਿਆਨ ਦੇਣ : ਸਿੱਬਲ

ਨਵੀਂ ਦਿੱਲੀ – ਗਲੋਬਲ ਹੰਗਰ (ਭੁੱਖ) ਇੰਡੈਕਸ ਵਿਚ ਭਾਰਤ ਦੇ 102ਵੇਂ ਨੰਬਰ ਤੇ ਪਹੁੰਚ ਜਾਣ ਨਾਲ ਜੁੜੀਆਂ ਖਬਰਾਂ ਨੂੰ ਲੈ ਕੇ ਕਾਂਗਰਸ ਦੇ ਸੀਨੀਅਰ ਨੇਤਾ ਕਪਿਲ ਸਿੱਬਲ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਤੰਜ ਕੱਸਿਆ ਹੈ| ਉਨ੍ਹਾਂ ਨੇ ਕਿਹਾ ਕਿ ਮੋਦੀ ਜੀ ਨੂੰ ਰਾਜਨੀਤੀ ਤੇ ਘੱਟ ਅਤੇ ਬੱਚਿਆਂ ਤੇ ਜ਼ਿਆਦਾ ਧਿਆਨ ਦੇਣਾ ਚਾਹੀਦਾ ਹੈ| ਸਿੱਬਲ ਨੇ ਟਵੀਟ ਕਰ ਕੇ ਕਿਹਾ, ”ਮੋਦੀ ਜੀ ਰਾਜਨੀਤੀ ਤੇ ਘੱਟ ਅਤੇ ਸਾਡੇ ਬੱਚਿਆਂ ਤੇ ਜ਼ਿਆਦਾ ਧਿਆਨ ਦਿਉ| ਉਹ ਸਾਡਾ ਭਵਿੱਖ ਹਨ|”ਸਿੱਬਲ ਨੇ ਦਾਅਵਾ ਕੀਤਾ ਕਿ ਗਲੋਬਲ ਹੰਗਰ ਇੰਡੈਕਸ ਵਿੱਚ ਭਾਰਤ ਫਿਸਲ ਗਿਆ ਹੈ| ਸਾਲ 2010 ਵਿੱਚ ਭਾਰਤ 95ਵੇਂ ਨੰਬਰ ਤੇ ਸੀ ਅਤੇ 2019 ਵਿੱਚ 102ਵੇਂ ਨੰਬਰ ਤੇ ਹੈ| 93 ਫੀਸਦੀ ਬੱਚਿਆਂ ਨੂੰ ਘੱਟੋ-ਘੱਟ ਖੁਰਾਕ ਨਹੀਂ ਮਿਲਦੀ ਹੈ| ਖਬਰਾਂ ਮੁਤਾਬਕ ਭਾਰਤ 117 ਦੇਸ਼ਾਂ ਦੇ ਗਲੋਬਰ ਹੰਗਰ ਇੰਡੈਕਸ ਵਿੱਚ 102ਵੇਂ ਨੰਬਰ ਤੇ ਚਲਾ ਗਿਆ ਹੈ| ਇਹ ਦੱਖਣੀ ਏਸ਼ੀਆਈ ਦੇਸ਼ਾਂ ਦਾ ਸਭ ਤੋਂ ਹੇਠਾਂ ਪਾਇਦਾਨ ਹੈ| ਬਾਕੀ ਦੱਖਣੀ ਏਸ਼ੀਆਈ ਦੇਸ਼ 66ਵੇਂ ਤੋਂ 94ਵੇਂ ਨੰਬਰਾਂ ਵਿਚਾਲੇ ਹਨ|