ਬੌਲੀਵੁੱਡ ਸਿਤਾਰਿਆਂ ਨੇ ਖੁੱਲ੍ਹ ਕੇ ਕੀਤਾ ਮਤਦਾਨ

ਮੁੰਬਈ – ਮਹਾਰਾਸ਼ਟਰ ਵਿੱਚ ਲੋਕ ਸਭਾ ਚੋਣਾਂ ਦੇ ਚੌਥੇ ਪੜਾਅ ਦੌਰਾਨ ਅੱਜ ਮੁੰਬਈ ਵਿਚ ਹੋਏ ਮਤਦਾਨ ਮੌਕੇ ਬੌਲੀਵੁੱਡ ਅਦਾਕਾਰਾਂ ਨੇ ਆਪਣੇ ਵੋਟ ਦੇ ਅਧਿਕਾਰ ਦੀ ਵਰਤੋਂ ਕੀਤੀ।ਬੌਲੀਵੁਡ ਅਦਾਕਾਰ ਆਮਿਰ ਖ਼ਾਨ ਤੇ ਉਸ ਦੀ ਪਤਨੀ ਤੇ ਫਿਲਮਸਾਜ਼ ਕਿਰਨ ਰਾਓ ਸੋਮਵਾਰ ਨੂੰ ਲੋਕ ਸਭਾ ਦੇ ਚੌਥੇ ਗੇੜ ਤਹਿਤ ਮੁੰਬਈ ਦੇ ਇਕ ਮਤਦਾਨ ਕੇਂਦਰ ’ਤੇ ਵੋਟ ਪਾਉਣ ਮਗਰੋਂ ਬਾਹਰ ਆਉਂਦੇ ਹੋਏ। -ਫੋਟੋ: ਪੀਟੀਆਈਫਿਲਮੀ ਅਦਾਕਾਰ ਆਮਿਰ ਖਾਨ, ਪ੍ਰਿਯੰਕਾ ਚੋਪੜਾ ਅਤੇ ਰੇਖਾ ਨੇ ਸਵੇਰ ਵੇਲੇ ਆਪਣੀ ਵੋਟ ਪਾਈ। ਗਾਇਕਾ ਆਸ਼ਾ ਭੋਸਲੇ, ਅਦਾਕਾਰ ਮਾਧੁਰੀ ਦੀਕਸ਼ਿਤ, ਕਰੀਨਾ ਕਪੂਰ ਖਾਨ, ਰਿਤਿਕ ਰੌਸ਼ਨ, ਵਿਦਿਆ ਬਾਲਨ, ਇਮਰਾਨ ਹਾਸ਼ਮੀ, ਕੰਗਨਾ ਰਣੌਤ, ਵਰੁਣ ਧਵਨ, ਸੰਜੇ ਦੱਤ ਤੇ ਪਤਨੀ ਮਾਨਿਅਤਾ ਦੱਤ, ਲੇਖਕ ਤੇ ਗੀਤਾਕਾਰ ਜਾਵੇਦ ਅਖਤਰ, ਗੁਲਜ਼ਾਰ, ਫਿਲਮਸਾਜ਼ ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਅਤੇ ਪ੍ਰੇਮ ਚੋਪੜਾ ਨੇ ਵੋਟ ਪਾਈ। ਅਦਾਕਾਰ ਅਤੇ ਭਾਜਪਾ ਦੇ ਸੰਸਦ ਮੈਂਬਰ ਪਾਰੇਸ਼ ਰਾਵਲ ਨੇ ਵਿਲੇ-ਪਾਰਲੇ ਵਿਚ ਵੋਟ ਪਾਈ।ਨੌਜਵਾਨ ਸਿਤਾਰਿਆਂ ਵਿਚੋਂ ਟਾਈਗਰ ਸ਼ਰਾਫ਼ ਅਤੇ ਤਾਰਾ ਸੁਤਾਰੀਆ ਨੇ ਆਪਣੀ ਫਿਲਮ ਦੇ ਪ੍ਰਚਾਰ ਲਈ ਅਹਿਮਦਾਬਾਦ ਦੀ ਉਡਾਣ ਲੈਣ ਤੋਂ ਪਹਿਲਾਂ ਵੋਟ ਪਾਈ।