ਵਿਦੇਸ਼ ਭੇਜਣ ਦਾ ਝਾਂਸਾ ਦੇ ਕੇ ਮਾਰੀ ਲੱਖਾਂ ਰੁਪਏ ਦੀ ਠੱਗੀ, ਮਾਮਲਾ ਦਰਜ

ਫਿਰੋਜ਼ਪੁਰ – ਇਕ ਨੌਜਵਾਨ ਨੂੰ ਵਿਦੇਸ਼ ਭੇਜਣ ਦਾ ਝਾਂਸਾ ਦੇ ਕੇ ਉਸ ਨੇ 2 ਲੱਖ 61 ਹਜ਼ਾਰ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਵਿਚ ਥਾਣਾ ਸਿਟੀ ਫਿਰੋਜ਼ਪੁਰ ਦੀ ਪੁਲਿਸ ਨੇ 3 ਲੋਕਾਂ ਖਿਲਾਫ 420, 406 ਆਈਪੀਸੀ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਕੰਚਨ ਪਾਸਵਾਨ ਪੁੱਤਰੀ ਸਵ. ਰਾਜੇਸ਼ ਵਾਸੀ ਦਰਹੇਟਾ ਕੂਟੀ ਪਰਕਾ ਖੇੜਾ ਥਾਣਾ ਮੋਰਵਾ ਜਨਪਤ ਉਨਾਵ ਹਾਲ ਵਾਸੀ ਜੈ ਮਾਂ ਨਗਰ ਕੈਂਟ ਫਿਰੋਜ਼ਪੁਰ ਨੇ ਦੱਸਿਆ ਕਿ ਦੋਸ਼ੀਅਨ ਸੁਨੀਲ ਕੁਮਾਰ ਪੁੱਤਰ ਉਦੇ ਰਾਜ, ਉਦੇ ਰਾਜ ਪੁੱਤਰ ਗੰਗਾ ਵਿਸ਼ਨੂੰ ਅਤੇ ਸੀਆ ਦੁਲਾਰੀ ਪਤਨੀ ਉਦੇ ਰਾਜ ਵਾਸੀਅਨ ਕੰਚਨ ਨਗਰ ਸੁਕਲਾਗੰਜ ਥਾਣਾ ਗੰਗਾਘਾਟ ਉਤਰ ਪ੍ਰਦੇਸ਼ ਨੇ ਹਮਮਸ਼ਵਰਾ ਹੋ ਕੇ ਉਸ ਦੇ ਲੜਕੇ ਗੁੱਡੂ ਉਰਫ ਰੋਸ਼ਨ ਨੂੰ ਵਿਦੇਸ਼ ਕੁਵੈਤ ਵਿਚ ਭੇਜਣ ਦਾ ਝਾਂਸਾ ਦੇ ਕੇ 2 ਲੱਖ 61 ਹਜ਼ਾਰ ਰੁਪਏ ਦੀ ਠੱਗੀ ਮਾਰੀ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਏਐੱਸਆਈ ਰੂਪ ਲਾਲ ਨੇ ਦੱਸਿਆ ਕਿ ਪੁਲਿਸ ਨੇ ਸ਼ਿਕਾਇਤਕਰਤਾ ਦੇ ਬਿਆਨਾਂ ’ਤੇ ਉਕਤ ਦੋਸ਼ੀਅਨ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।