ਸਿਆਸੀ ਫਾਇਦੇ ਲਈ ਦੇਸ਼ ਨੂੰ ਗੁੰਮਰਾਹ ਕਰ ਰਹੇ ਹਨ ਮੋਦੀ: ਕੁਮਾਰਸਵਾਮੀ

ਬੈਂਗਲੁਰੂ – ਕਰਨਾਟਕ ਦੇ ਮੁੱਖ ਮੰਤਰੀ ਐਚ.ਡੀ. ਕੁਮਾਰਸਵਾਮੀ ਨੇ ਰਾਜ ਦੀ (ਕਰਨਾਟਕ ਦੀ) ਕਿਸਾਨ ਕਰਜ਼ ਮੁਆਫ਼ੀ ਨੂੰ ‘ਅਪਮਾਨਜਨਕ ਮਜ਼ਾਕਾਂ ਵਿੱਚੋਂ ਇਕ’ ਦੱਸਣ ਤੇ ਪਲਟਵਾਰ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਸਿਆਸੀ ਫਾਇਦੇ ਲਈ ਦੇਸ਼ ਦੀ ਜਨਤਾ ਨੂੰ ਗੁੰਮਰਾਹ ਕਰਨ ਦਾ ਦੋਸ਼ ਲਗਾਇਆ ਹੈ| ਕਰਜ਼ਾ ਮੁਆਫੀ ਯੋਜਨਾ ਦੇ ਅਮਲ ਲਈ ਜਨਤਾ ਦਲ ਕਾਂਗਰਸ ਗਠਜੋੜ ਸਰਕਾਰ ਦੀ ਵਚਨਬੱਧਤਾ ਨੂੰ ਦੋਹਰਾਉਂਦੋ ਹੋਏ ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਅਜੇ ਤੱਕ 60 ਹਜ਼ਾਰ ਕਿਸਾਨਾਂ ਨੂੰ ਇਸ ਯੋਜਨਾ ਨਾਲ ਫਾਇਦਾ ਪੁੱਜਿਆ ਹੈ| ਕੁਮਾਰਸਵਾਮੀ ਨੂੰ ਕਿਹਾ ਕਿ ਇਹ ਬੇਹੱਦ ਦੁਖਦ ਹੈ ਕਿ ਮੋਦੀ ਇਸ ਨੂੰ ਕਿਸਾਨਾਂ ਨਾਲ ਇਕ ਅਪਮਾਨਜਨਕ ਮਜ਼ਾਕ ਦੀ ਤਰ੍ਹਾਂ ਦੇਖਦੇ ਹਨ, ਯੋਜਨਾ ਬਾਰੇ ਪੂਰਨ ਤੱਤ ਜਾਣੇ ਬਿਨਾਂ ਉਹ ਦੇਸ਼ ਦੀ ਜਨਤਾ ਨੂੰ ਗੁੰਮਰਾਹ ਕਰ ਰਹੇ ਹਨ|”