ਸੀ ਬੀ ਆਈ ਦੇ ਸਾਬਕਾ ਡਾਇਰੈਕਟਰ ਅਸ਼ਵਨੀ ਕੁਮਾਰ ਦੀ ਮੌਤ, ਲਾਸ਼ ਸ਼ਿਮਲਾ ਵਿਚਲੀ ਰਿਹਾਇਸ਼ ‘ਤੇ ਲਟਕਦੀ ਮਿਲੀ

ਸ਼ਿਮਲਾ – ਮਣੀਪੁਰ ਤੇ ਨਾਗਾਲੈਂਡ ਦੇ ਸਾਬਕਾ ਰਾਜਪਾਲ ਅਤੇ ਸੀ ਬੀ ਆਈ ਦੇ ਸਾਬਕਾ ਡਾਇਰੈਕਟਰ ਅਸ਼ਵਨੀ ਕੁਮਾਰ ਦੀ ਲਾਸ਼ ਅੱਜ ਉਹਨਾਂ ਦੀ ਸ਼ਿਮਲਾ ਰਿਹਾਇਸ਼ ਵਿਚ ਲਟਕਦੀ ਮਿਲੀ। ਸ਼ਿਮਲਾ ਦੇ ਐਸ ਪੀ ਮੋਹਿਤ ਚਾਵਲ ਮੁਤਾਬਕ ਕੁਮਾਰ 37 ਸਾਲਾਂ ਤੱਕ ਕੇਂਦਰ ਸਰਕਾਰ ਤੇ ਹਿਮਾਚਲ ਸਰਕਾਰ ਦੇ ਮੁਲਾਜ਼ਮ ਰਹੇ ਹਨ। ਉਹਨਾਂ 1973 ਵਿਚ ਆਈ ਪੀ ਐਸ ਸੇਵਾ ਵਿਚ ਸ਼ੁਰੂਆਤ ਕੀਤੀ ਸੀ। ਉਹ ਅਗਸਤ 2006 ਵਿਚ ਹਿਮਾਚਲ ਪ੍ਰਦੇਸ਼ ਦੇ ਡੀ ਜੀ ਪੀ ਬਣੇ ਸੀ। ਦੋ ਸਾਲ ਬਾਅਦ ਉਹਨਾਂ ਨੂੰ ਸੀ ਬੀ ਆਈ ਡਾਇਰੈਕਟਰ ਨਿਯੁਕਤ ਕਰ ਦਿੱਤਾ ਗਿਆ ਸੀ। 2013 ਵਿਚ ਉਹਨਾਂ ਨੂੰ ਨਾਗਾਨੈਂਡ ਤੇ ਬਾਅਦ ਵਿਚ ਮਣੀਪੁਰ ਦੇ ਰਾਜਪਾਲ ਰਹੇ।