ਖੇਤ ’ਚ ਖਰਾਬ ਮੋਟਰ ਕੱਢਣ ਸਮੇਂ ਕਰੰਟ ਲੱਗਣ ਨਾਲ 2 ਦੀ ਮੌਤ-2 ਜ਼ਖ਼ਮੀ

ਦਿੜ੍ਹਬਾ – ਕਸਬੇ ਦੇ ਨੇੜਲੇ ਪਿੰਡ ਛਾਹੜ ਚ ਅਜ ਖੇਤ ’ਚ ਖਰਾਬ ਸਮਰਸੀਬਲ ਮੋਟਰ ਨੂੰ ਕਢਣ ਸਮੇਂ 11 ਕੇ.ਵੀ ਦਾ ਕਰੰਟ ਲਗਣ ਨਾਲ ਦੋ ਦੀ ਮੌਤ ਦੋ ਨੌਜਵਾਨਾਂ ਦੇ ਜਖ਼ਮੀ ਹੋਣ ਦਾ ਦੁਖਦਾਈ ਸਮਾਚਾਰ ਪ੍ਰਾਪਤ ਹੋਇਆ ਹੈ ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਖਰਾਬ ਮੋਟਰ ਨੂੰ ਬੋਰ ਚੋਂ ਕੱਢਣ ਲਈ ਜਦੋਂ ਕੜੂਕੇ ਨੂੰ ਨੇੜੇ ਲਿਜਾਇਆ ਜਾ ਰਿਹਾ ਸੀ ਤਾਂ ਅਚਾਨਕ ਕੜੂਕਾ ਉਪਰੋਂ ਲੰਗਦੀ 11 ਕੇ ਵੀ ਤਾਰ ਨਾਲ ਟਕਰਾ ਗਿਆ ਜਿਸ ਨਾਲ ਬਿਕਰ ਸਿੰਘ ਪੁੱਤਰ ਜਰਨੈਲ ਸਿੰਘ (28) ਅਤੇ ਬਗਾ ਸਿੰਘ ਪੁੱਤਰ ਬਾਵਾ ਸਿੰਘ (45) ਦੀ ਮੌਤ ਹੋ ਗਈ ਅਤੇ ਲਵਪ੍ਰੀਤ ਸਿੰਘ ਪੁਤਰ ਸੁਖਪਾਲ ਸਿੰਘ ਗੁਰਪ੍ਰੀਤ ਸਿੰਘ ਪੁਤਰ ਹਰਜਿੰਦਰ ਸਿੰਘ ਗੰਭੀਰ ਜ਼ਖਮੀ ਹੋ ਗਏ ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਮ੍ਰਿਤਕ ਬਿਕਰ ਸਿੰਘ ਆਪਣੇ ਪਿਛੇ ਛੋਟਾ ਬਚਾ ਪਤਨੀ ਅਤੇ ਮਾਪੇ ਛਡ ਗਿਆ ਅਤੇ ਬਗਾ ਆਪਣੇ ਪਿਛੇ ਪਤਨੀ ਤਿੰਨ ਲੜਕੇ ਅਤੇ ਬੁਢੀ ਮਾਂ ਨੂੰ ਛਡ ਗਿਆ ਹੈ।ਇਸ ਦੁਖਦਾਈ ਘਟਨਾ ਦੀ ਸੂਚਨਾ ਮਿਲਣ ਸਾਰ ਪਿੰਡ ਵਿਚ ਸੋਗ ਲਹਿਰ ਦੌੜ ਗਈ ਵਡੀ ਗਿਣਤੀ ਵਿਚ ਪਿੰਡ ਵਾਸੀ ਮ੍ਰਿਤਕ ਨੌਜਵਾਨਾਂ ਦੇ ਘਰ ਇਕਤਰ ਹੋ ਗਏ।