ਪੂਰਵਾ ਐਕਸਪ੍ਰੈਸ ਦੇ 12 ਡੱਬੇ ਪਟਰੀ ਤੋਂ ਉਤਰੇ, ਕਾਨਪੁਰ ਨੇੜੇ ਵਾਪਰਿਆ ਹਾਦਸਾ

ਨਵੀਂ ਦਿੱਲੀ –  ਹਾਵੜਾ ਤੋਂ ਨਵੀਂ ਦਿੱਲੀ ਜਾ ਰਹੀ ਪੂਰਵਾ ਐਕਸਪ੍ਰੈਸ ਟਰੇਨ (ਅੱਪ 12303) ਸ਼ੁੱਕਰਵਾਰ ਦੇਰ ਰਾਤ ਕਰੀਬ ਇਕ ਵਜੇ ਕਾਨਪੁਰ ਤੋਂ ਕਰੀਬ 15 ਕਿਲੋਮੀਟਰ ਦੂਰ ਰੂਮਾ ਕਸਬੇ ਨੇੜੇ ਦੁਰਘਟਨਾ ਗ੍ਰਸਤ ਹੋ ਗਈ| ਜਾਣਕਾਰੀ ਦੇ ਅਨੁਸਾਰ ਟਰੇਨ ਦੇ 12 ਡੱਬੇ ਪਟਰੀ ਤੋਂ ਉਤਰਨ ਦੀ ਸੂਚਨਾ ਮਿਲੀ ਹੈ| ਹਾਦਸੇ ਵਿੱਚ 5-6 ਵਿਅਕਤੀਆਂ ਦੇ ਜ਼ਖਮੀ ਹੋਣ ਦੀ ਖਬਰ ਮਿਲੀ ਹੈ| ਹਾਦਸੇ ਦੀ ਸੂਚਨਾ ਮਿਲਦਿਆਂ ਹੀ ਰਾਤ 2.30 ਵਜੇ ਜ਼ਿਲ੍ਹਾ ਅਧਿਕਾਰੀ, ਐਸ. ਐਸ. ਪੀ., 30 ਐਂਬੂਲੈਂਸ, ਫਾਇਰ ਬ੍ਰਿਗੇਡ, ਪੁਲੀਸ ਪਹੁੰਚ ਗਈ ਤੇ ਬਚਾਅ ਦਾ ਕੰਮ ਸ਼ੁਰੂ ਹੋ ਗਿਆ ਹੈ| ਜ਼ਖਮੀਆਂ ਨੂੰ ਕਾਸ਼ੀਕਾਮ ਟ੍ਰਾਮਾ ਸੈਂਟਰ ਤੇ ਹੈਲਟ ਹਸਪਤਾਲ ਭੇਜਿਆ ਜਾ ਰਿਹਾ ਹੈ| ਟਰੇਨ ਪੂਰਵਾ ਐਕਸਪ੍ਰੈਸ ਹਾਵੜਾ ਤੋਂ ਦਿੱਲੀ ਜਾਂਦੀ ਹੈ|