ਮੋਈਨ ਅਲੀ ਦਾ ਧਿਆਨ ਕੋਹਲੀ ਨੂੰ ਆਊਟ ਕਰਨ ’ਤੇ

ਬਰਮਿੰਘਮ – ਇੰਗਲੈਂਡ ਦੇ ਹਰਫ਼ਨਮੌਲਾ ਮੋਈਨ ਅਲੀ ਦੀਆਂ ਨਜ਼ਰਾਂ ਐਤਵਾਰ ਨੂੰ ਹੋਣ ਵਾਲੇ ਵਿਸ਼ਵ ਕੱਪ ਮੈਚ ਦੌਰਾਨ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਦੀ ਅਹਿਮ ਵਿਕਟ ਲੈਣ ’ਤੇ ਹਨ। ਕੋਹਲੀ ਨੇ ਲਗਾਤਾਰ ਦੋ ਨੀਮ ਸੈਂਕੜੇ ਮਾਰ ਕੇ ਭਾਰਤੀ ਟੀਮ ਨੂੰ ਅਫ਼ਗਾਨਿਸਤਾਨ ਅਤੇ ਵੈਸਟ ਇੰਡੀਜ਼ ਖ਼ਿਲਾਫ਼ ਮੈਚਾਂ ਵਿੱਚ ਵਾਪਸੀ ਦਿਵਾਈ। ਅਲੀ ਆਈਪੀਐਲ ਟੀਮ ਰੌਇਲ ਚੈਲੰਜਰਜ਼ ਬੰਗਲੌਰ ਵਿੱਚ ਕੋਹਲੀ ਦੀ ਕਪਤਾਨੀ ’ਚ ਖੇਡਿਆ ਸੀ। ਉਸ ਨੇ ‘ਦਿ ਗਾਰਡੀਅਨ’ ਵਿੱਚ ਲਿਖਿਆ, ‘‘ਵਿਰਾਟ ਭਾਰਤ ਲਈ ਦੌੜਾਂ ਬਣਾਉਣ ਲਈ ਹੈ, ਜਦਕਿ ਮੈਂ ਇੱਥੇ ਉਸ ਨੂੰ ਆਊਟ ਕਰਵਾਉਣ ਲਈ ਹਾਂ। ਉਸ ਦੀ ਵਿਕਟ ਲੈਣਾ ਹਰ ਖਿਡਾਰੀ ਲਈ ਕਾਫ਼ੀ ਅਹਿਮ ਹੋਵੇਗਾ, ਪਰ ਤੁਸੀਂ ਅਜਿਹਾ ਕਰਨ ਦੇ ਬਾਵਜੂਦ ਦੋਸਤ ਰਹਿ ਸਕਦੇ ਹੋ।