ਖ਼ਸ਼ੋਗੀ ਦੀ ਹੱਤਿਆ ਬਾਰੇ ਕਿਸੇ ਨੇ ਵੀ ਸਾਊਦੀ ਸ਼ਹਿਜ਼ਾਦੇ ਵੱਲ ਉਂਗਲ ਨਹੀਂ ਚੁੱਕੀ: ਟਰੰਪ

ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਹੈ ਕਿ ਉਹ ਸਾਊਦੀ ਅਰਬ ਦੇ ਪੱਤਰਕਾਰ ਜਮਾਲ ਖ਼ਸ਼ੋਗੀ ਦੀ ਹੱਤਿਆ ਕੀਤੇ ਜਾਣ ਬਾਰੇ ‘ਕਾਫ਼ੀ ਨਾਰਾਜ਼’ ਹਨ ਪਰ ਕਿਸੇ ਨੇ ਵੀ ਸਾਊਦੀ ਸ਼ਹਿਜ਼ਾਦੇ ਵੱਲ ‘ਉਂਗਲ ਨਹੀਂ ਚੁੱਕੀ’। ਟਰੰਪ ਨੇ ਕਿਹਾ ਕਿ ਉਹ ਇਸਤੰਬੁਲ ਦੇ ਸਾਊਦੀ ਕੌਂਸਲੇਟ ਵਿਚ ਖਸ਼ੋਗੀ ਦੀ ਹੱਤਿਆ ਕੀਤੇ ਜਾਣ ’ਤੇ ‘ਬੇਹੱਦ ਨਾਖੁਸ਼ ਤੇ ਨਾਰਾਜ਼ ਹਨ’। ਉਨ੍ਹਾਂ ਕਿਹਾ ਕਿ ਕਿਸੇ ਨੇ ਵੀ ‘ਸਿੱਧੇ ਤੌਰ ’ਤੇ ਸਾਊਦੀ ਸ਼ਹਿਜ਼ਾਦੇ ਮੁਹੰਮਦ ਬਿਨ ਸਲਮਾਨ’ ਵੱਲ ਇਸ਼ਾਰਾ ਨਹੀਂ ਕੀਤਾ। ਅਮਰੀਕੀ ਰਾਸ਼ਟਰਪਤੀ ਨੂੰ ਪੁੱਛਿਆ ਗਿਆ ਸੀ ਕਿ ਕੀ ਉਨ੍ਹਾਂ ਸ਼ਹਿਜ਼ਾਦੇ ਨਾਲ ਹੋਈ ਮੀਟਿੰਗ ਵਿਚ ਇਹ ਮੁੱਦਾ ਛੋਹਿਆ ਸੀ।