ਟਰੂਡੋ ਅਗਲੇ ਹਫ਼ਤੇ ਐਲਾਨਣਗੇ ਆਪਣੀ ਨਵੀਂ ਕੈਬਨਿਟ

ਟਰਾਂਟੋ – ਕੈਨੇਡਾ ਦੀ 43ਵੀਂ ਪਾਰਲੀਮੈਂਟ ਲਈ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਬੁੱਧਵਾਰ ਨੂੰ ਆਪਣੇ ਨਵੇਂ ਮੰਤਰੀ ਮੰਡਲ ਦਾ ਗਠਨ ਕਰਨਗੇ ਜਿਸ ਵਿਚ ਬਹੁਤ ਸਾਰੀਆਂ ਤਬਦੀਲੀਆਂ ਦੇ ਆਸਾਰ ਜਤਾਏ ਗਏ ਹਨ। ਵਿਦੇਸ਼ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੂੰ ਉਪ ਪ੍ਰਧਾਨ ਮੰਤਰੀ ਬਣਾਇਆ ਜਾ ਸਕਦਾ ਹੈ। 338 ਸੀਟਾਂ ਵਾਲੀ ਪਾਰਲੀਮੈਂਟ ‘ਚ ਐਲਬਰਟਾ ਅਤੇ ਸਸਕੈਚਵਨ ਸੂਬਿਆਂ ਦੀ ਪ੍ਰਤੀਨਿਧਤਾ ਦੇਣ ਲਈ ਟਰੂਡੋ ਨੂੰ ਚੁਣੌਤੀਆਂ ਹਨ ਕਿਉਂਕਿ ਇਨ੍ਹਾਂ ਸੂਬਿਆਂ ਵਿਚ ਲਿਬਰਲ ਪਾਰਟੀ ਦਾ ਸਫ਼ਾਇਆ ਹੋ ਗਿਆ ਹੈ।ਟੋਰਾਂਟੋ ਤੋਂ ਜਿੱਤੀ ਫਰੀਲੈਂਡ ਐਲਬਰਟਾ ਦੀ ਜੰਮਪਲ ਹੈ। ਇਸ ਵਾਰ ਲਿਬਰਲ ਪਾਰਟੀ ਕੋਲ 157, ਕੰਜ਼ਰਵੇਟਿਵ ਕੋਲ 121, ਬਲਾਕ ਕਬੈਕਵਾ ਕੋਲ 32, ਐਨਡੀਪੀ ਨੂੰ 24, ਗਰੀਨ ਪਾਰਟੀ ਨੂੰ 3 ਸੀਟਾਂ ਮਿਲੀਆਂ ਹਨ। ਪਾਰਲੀਮੈਂਟ ‘ਚ ਪੇਸ਼ ਹੋਣ ਵਾਲੇ ਮਤਿਆਂ ਬਾਰੇ ਫ਼ੈਸਲਾ ਲੈਣ ਲਈ ਟਰੂਡੋ ਨੂੰ ਵਿਰੋਧੀ ਧਿਰਾਂ ਤੋਂ ਸਮਰਥਨ ਦੀ ਲੋੜ ਪਵੇਗੀ।