ਲਾਥਮ ਨੇ ਭਾਰਤ ਤੋਂ ਲੈਅ ਖੋਹੀ ਕੋਹਲੀ

ਰੌਸ ਟੇਲਰ ਨੇ ਭਾਵੇਂ ਸੈਂਕੜਾ ਜੜਿਆ ਪਰ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਕਿ ਅੱਜ ਇੱਥੇ ਪਹਿਲੇ ਮੈਚ ’ਚ ਟੌਮ ਲਾਥਮ ਨੇ 48 ਗੇਂਦਾਂ ’ਚ 69 ਦੌੜਾਂ ਬਣਾ ਕੇ ਉਨ੍ਹਾਂ ਦੀ ਟੀਮ ਦੀ ਲੈਅ ਖੋਹ ਲਈ। ਮੈਚ ਤੋਂ ਬਾਅਦ ਕੋਹਲੀ ਨੇ ਕਿਹਾ, ‘ਨਿਊਜ਼ੀਲੈਂਡ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਅਸੀਂ ਸੋਚਿਆ ਸੀ ਕਿ 348 ਦੌੜਾਂ ਦਾ ਟੀਚਾ ਚੰਗਾ ਹੋਵੇਗਾ। ਰੌਸ ਤਜਰਬੇਕਾਰ ਬੱਲੇਬਾਜ਼ ਹੈ ਪਰ ਟੌਮ ਦੀ ਪਾਰੀ ਅਜਿਹੀ ਸੀ ਜਿਸ ਨੇ ਸਾਡੇ ਤੋਂ ਲੈਅ ਖੋਹ ਲਈ। ਜਿੱਤਾ ਦਾ ਸਿਹਰਾ ਟੇਲਰ ਤੇ ਟੌਮ ਨੂੰ ਜਾਂਦਾ ਹੈ।’ ਕੋਹਲੀ ਨੇ ਕਿਹਾ, ‘ਅਸੀਂ ਮੌਕੇ ਦਾ ਫਾਇਦਾ ਨਹੀਂ ਚੁੱਕਿਆ ਪਰ ਅਸੀਂ ਠੀਕ ਸੀ। ਸਾਨੂੰ ਕੁਝ ਚੀਜ਼ਾਂ ’ਚ ਸੁਧਾਰ ਕਰਦੇ ਰਹਿਣ ਦੀ ਲੋੜ ਹੈ। ਅਸੀਂ ਨਕਾਰਾਤਮਕ ਚੀਜ਼ਾਂ ਵੱਲ ਧਿਆਨ ਨਹੀਂ ਦੇ ਸਕਦੇ। ਅੱਜ ਵਿਰੋਧੀ ਟੀਮ ਸਾਡੇ ਤੋਂ ਚੰਗਾ ਖੇਡੀ ਅਤੇ ਉਹ ਜਿੱਤ ਦੇ ਹੱਕਦਾਰ ਸੀ।’ ਉਨ੍ਹਾਂ ਕਿਹਾ, ‘ਪਹਿਲਾ ਮੈਚ ਖੇਡਣ ਵਾਲੇ ਖਿਡਾਰੀਆਂ ਨੇ ਸਾਨੂੰ ਚੰਗੀ ਸ਼ੁਰੂਆਤ ਦਿਵਾਈ ਅਤੇ ਉਮੀਦ ਹੈ ਕਿ ਉਹ ਅਜਿਹੀ ਖੇਡ ਜਾਰੀ ਰੱਖਣਗੇ। ਸ਼੍ਰੇਅਸ ਅਈਅਰ ਨੇ ਦਬਾਅ ’ਚ ਪਹਿਲਾ ਇੱਕ-ਰੋਜ਼ਾ ਸੈਂਕੜਾ ਜੜ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਰਾਹੁਲ ਨੇ ਫਿਰ ਚੰਗੀ ਖੇਡ ਦਿਖਾਈ।