ਸਿਰਫ ਟੈਸਟ ਨਹੀਂ ਕ੍ਰਿਕਟ ਦੇ ਸਾਰੇ ਸਵਰੂਪਾਂ ਵਿਚ ਖੇਡਣਾ ਚਾਹੰਦਾ ਹਾਂ : ਜਡੇਜਾ

ਲੰਡਨ – ਸਪਿਨਰ ਰਵਿੰਦਰ ਜਡੇਜਾ ਸਾਰੇ ਤਿਨਾਂ ਸਵਰੂਪਾਂ ਵਿਚ ਭਾਰਤ ਦੀ ਨੁਮਾਇੰਦਗੀ ਕਰਨਾ ਚਾਹੁੰਦਾ ਹਾਂ ਕਿਉਂਕਿ ਉਸ ਨੂੰ ਲਗਦਾ ਹੈ ਕਿ ਅੰਤਰਰਾਸ਼ਟਰੀ ਕ੍ਰਿਕਟ ਵਿਚ ਖੁਦ ਨੂੰ ਚੰਗੀ ਫਾਰਮ ਵਿਚ ਰੱਖਣ ਲਈ ਸਿਰਫ ਟੈਸਟ ਵਿਚ ਹੀ ਖੇਡਣਾ ਜ਼ਰੂਰੀ ਨਹੀਂ ਹੈ। ਜਡੋਜਾ ਨੇ ਪੰਜਵੇਂ ਅਤੇ ਆਖਰੀ ਟੈਸਟ ਦੇ ਪਹਿਲੇ ਦਿਨ 57 ਦੌੜਾਂ ਦੇ ਕੇ 1 ਵਿਕਟ ਹਾਸਲ ਕੀਤਾ ਅਤੇ ਇਹ ਉਸ ਦਾ ਸੀਰੀਜ਼ ਦਾ ਪਹਿਲਾ ਮੈਚ ਸੀ। ਦਿਨ ਦਾ ਖੇਡ ਖਤਮ ਹੋਣ ਤੋਂ ਬਾਅਦ ਜਡੇਜਾ ਨੇ ਕਿਹਾ, ” ਮੇਰੇ ਲਈ ਸਭ ਤੋਂ ਵੱਡੀ ਚੀਜ਼ ਹੈ ਕਿ ਮੈਂ ਭਾਰਤ ਲਈ ਖੇਡ ਰਿਹਾ ਹਾਂ ਅਤੇ ਜੇਕਰ ਕਿਸੇ ਦਿਨ ਮੈਂ ਚੰਗਾ ਕਰਦਾ ਹਾਂ ਤਾਂ ਮੈਂ ਜਲਦ ਹੀ ਖੇਡ ਦੇ ਸਾਰੇ ਸਵਰੂਪਾਂ ਵਿਚ ਖੇਡ ਸਕਾਂਗਾ ਪਰ ਮੇਰਾ ਟੀਚਾ ਸਿਰਫ ਇਹ ਹੈ ਕਿ ਮੈਨੂੰ ਮੌਕਾ ਮਿਲੇ ਅਤੇ ਮੈਂ ਇਸ ਦਾ ਫਾਇਦਾ ਚੁੱਕ ਤੇ ਚੰਗਾ ਪ੍ਰਦਰਸ਼ਨ ਕਰਾਂ। ਉਸ ਨੇ ਕਿਹਾ, ” ਜਦੋਂ ਤੁਸੀਂ ਇਕ ਹੀ ਸਵਰੂਪ ਵਿਚ ਖੇਡ ਰਹੇ ਹੁੰਦੇ ਹੋ ਤਾਂ ਇਹ ਕਾਫੀ ਮੁਸ਼ਕਲ ਹੁੰਦਾ ਹੈ ਕਿਉਂਕਿ ਮੈਚ ਵਿਚਾਲੇ ਕਾਫੀ ਫਰਕ ਹੁੰਦਾ ਹੈ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਖੇਡਣ ਲਈ ਤੁਹਾਡਾ ਤਜ਼ਰਬਾ ਅਤੇ ਲੈਅ ਘੱਟ ਜਾਂਦੀ ਹੈ। ਇਸ ਲਈ ਤੁਹਾਨੂੰ ਖੁਦ ਨੂੰ ਪ੍ਰੇਰਿਤ ਕਰਦੇ ਰਹਿਣਾ ਹੁੰਦਾ ਹੈ। ਜਦੋਂ ਵੀ ਤੁਹਾਨੂੰ ਮੌਕਾ ਮਿਲਦਾ ਹੈ ਜਿਵੇਂ ਮੈਨੂੰ ਇਸ ਮੈਚ ਵਿਚ ਮਿਲਿਆ ਹੈ ਤਾਂ ਆਪਣੀ ਕਾਬਲੀਅਤ ਦੇ ਹਿਸਾਬ ਨਾਲ ਮੈਦਾਨ ‘ਤੇ ਸਰਵਸ਼੍ਰੇਸ਼ਠ ਪ੍ਰਦਰਸ਼ਨ ਕਰਨਾ ਹੋਵੇਗਾ। ਉਹ ਭਾਰਤ ਲਈ ਆਲ ਰਾਊਂਡਰ ਦਾ ਸਥਾਨ ਪੱਕਾ ਕਰਨਾ ਚਾਹੁੰਦਾ ਹੈ।