ਗੂਗਲ ਦੇ ਸੁੰਦਰ ਪਿਚਈ ਕਰਨਗੇ ਟਰੰਪ ਨਾਲ ਮੁਲਾਕਾਤ

ਸਾਨ ਫਰਾਂਸਿਸਕੋ – ਗੂਗਲ ਦੇ ਸੀ. ਈ. ਓ. ਸੁੰਦਰ ਪਿਚਈ ਕੰਪਨੀ ਦੇ ਕਾਰੋਬਾਰ ਬਾਰੇ ਅਮਰੀਕੀ ਸੰਸਦ ਦੇ ਮੈਂਬਰਾਂ ਨਾਲ ਗੱਲਬਾਤ ਕਰਨ ਲਈ ਵਾਸ਼ਿੰਗਟਨ ਗਏ ਹੋਏ ਹਨ। ਆਉਂਦੀ ਗੋਲ ਮੇਜ ਗੱਲਬਾਤ ਦੌਰਾਨ ਉਹ ਰਾਸ਼ਟਰਪਤੀ ਟਰੰਪ ਨਾਲ ਵੀ ਮੁਲਾਕਾਤ ਕਰਨਗੇ। ਵ੍ਹਾਈਟ ਹਾਊਸ ਦੇ ਸੂਤਰਾਂ ਮੁਤਾਬਕ ਕੌਮੀ ਆਰਥਿਕ ਕੌੰਸਲ ਦੇ ਮੁਖੀ ਲੈਰੀ ਨੇ ਪਿਚਈ ਨਾਲ ਮੁਲਾਕਾਤ ਦੌਰਾਨ ਉਨ੍ਹਾਂ ਨੂੰ ਟਰੰਪ ਨਾਲ ਮਿਲਣ ਦਾ ਸੱਦਾ ਦਿੱਤਾ ਸੀ, ਜਿਸ ਨੂੰ ਉਨ੍ਹਾਂ ਪ੍ਰਵਾਨ ਕਰ ਲਿਆ। ਗੋਲ ਮੇਜ ਗੱਲਬਾਤ ਦੌਰਾਨ ਹੋਰਨਾਂ ਇੰਟਰਨੈੱਟ ਸ਼ੇਅਰ ਹੋਲਡਰਾਂ ਨੂੰ ਵੀ ਸੱਦਿਆ ਜਾਏਗਾ।