ਪ੍ਰੋ ਕਬੱਡੀ ਲੀਗ 2018 : ਪਟਨਾ ਨੇ ਯੂ. ਪੀ. ਯੋਧਾ ਨੂੰ 43-37 ਨਾਲ ਹਰਾਇਆ

ਸੋਨੀਪਤ – ਪਟਨਾ ਪਾਈਰੇਟਸ ਨੇ ਖਰਾਬ ਸ਼ੁਰੂਆਤ ਤੋਂ ਬਾਅਦ ਪ੍ਰੋ ਕਬੱਡੀ ਲੀਗ ਦੇ ਮੈਚ ‘ਚ ਐਤਵਾਰ ਨੂੰ ਇੱਥੇ ਯੂ. ਪੀ. ਯੋਧਾ ਨੂੰ 43-37 ਨਾਲ ਹਰਾ ਦਿੱਤਾ। ਸਕੋਰਸ਼ੀਟ ‘ਤੇ ਪਟਨਾ ਦੀ ਜਿੱਤ ਆਸਾਨ ਲੱਗ ਰਹੀ ਸੀ ਪਰ ਸ਼ੁਰੂਆਤੀ ਅੱਧੇ ਘੰਟੇ ਤੱਕ ਦੋਵਾਂ ਟੀਮਾਂ ਵਿਚਾਲੇ ਸਖਤ ਟੱਕਰ ਦੇਖਣ ਨੂੰ ਮਿਲੀ। ਕਪਤਾਨ ਪ੍ਰਦੀਪ ਨਰਵਾਲ ਨੇ 14 ਅੰਕ ਹਾਸਲ ਕੀਤੇ ਤੇ ਪਟਨਾ ਦੇ ਲਈ ਇਕ ਵਾਰ ਸਟਾਰ ਰੇਡਰ ਸਾਬਤ ਹੋਏ। ਯੂ. ਪੀ. ਯੋਧਾ ਦੇ ਸ਼੍ਰੀਕੰਤ ਜਾਧਵ ਨੇ 17 ਤੇ ਕਪਤਾਨ ਰਿਸ਼ਾਂਤ ਦੇਵਡਿਗਾ ਨੇ 11 ਅੰਕ ਬਣਾਏ ਪਰ ਉਸਦਾ ਪ੍ਰਦਰਸ਼ਨ ਟੀਮ ਨੂੰ ਜਿੱਤ ਹਾਸਲ ਨਹੀਂ ਕਰਵਾ ਸਕਿਆ।