ਅਯੁੱਧਿਆ ਮਾਮਲਾ: ਮੋਦੀ ਵੱਲੋਂ ਕਾਂਗਰਸ ’ਤੇ ਜੱਜਾਂ ਨੂੰ ਡਰਾਉਣ ਦਾ ਦੋਸ਼

ਅਲਵਰ – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਲਵਰ ਦੇ ਵਿਜੈ ਨਗਰ ਮੈਦਾਨ ‘ਚ ਇਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸੁਪਰੀਮ ਕੋਰਟ ਦਾ ਕੋਈ ਵੀ ਜਜ ਜਦੋਂ ਅਯੁਧਿਆ ਵਰਗੇ ਗੰਭੀਰ ਮੁਦੇ ‘ਤੇ ਇਨਸਾਫ਼ ਦਿਵਾਉਣ ਲਈ ਅਗੇ ਵਧਦਾ ਹੈ ਤਾਂ ਕਾਂਗਰਸ ਜਜਾਂ ਦੇ ਖ਼ਿਲਾਫ਼ ਮਹਾਂ ਦੋਸ਼ ਲਿਆ ਕੇ ਉਨ੍ਹਾਂ ਨੂੰ ਡਰਾਉਂਦੀ ਧਮਕਾਉਂਦੀ ਹੈ। ਮੋਦੀ ਨੇ ਕਿਹਾ ਕਿ ਜਦ ਅਯੁਧਿਆ ਮਾਮਲੇ ‘ਚ ਸੁਪਰੀਮ ਕੋਰਟ ‘ਚ ਸੁਣਵਾਈ ਚਲ ਰਹੀ ਸੀ ਤਾਂ ਕਾਂਗਰਸ ਦੇ ਨੇਤਾ ਅਤੇ ਰਾਜ ਸਭਾ ਦੇ ਮੈਂਬਰ ਨੇ ਕਿਹਾ ਸੀ ਕਿ 2019 ਤਕ ਕੇਸ ਨਾ ਚਲਾਓ ਕਿਉਂਕਿ 2019 ‘ਚ ਚੋਣਾਂ ਹਨ। ਮੋਦੀ ਨੇ ਕਿਹਾ ਕਿ ਕੀ ਦੇਸ਼ ਦੇ ਅਧਿਕਾਰ ਖੇਤਰ ਨੂੰ ਇਸ ਤਰ੍ਹਾਂ ਰਾਜਨੀਤੀ ‘ਚ ਖਿਚਣਾ ਸਹੀ ਹੈ।