ਅਮਰੀਕਾ-ਚੀਨ ਸਬੰਧਾਂ ਨੇ ਤੇਜੀ ਨਾਲ ਕਦਮ ਚੁੱਕੇ : ਟਰੰਪ

ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸੋਮਵਾਰ ਨੂੰ ਆਖਿਆ ਕਿ ਉਨ੍ਹਾਂ ਦੇ ਅਤੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਵਿਚਾਲੇ ਅਰਜਨਟੀਨਾ ‘ਚ ਹੋਈ ਬੈਠਕ ਤੋਂ ਬਾਅਦ ਚੀਨ ਨਾਲ ਅਮਰੀਕੀ ਸਬੰਧਾਂ ਨੇ ਤੇਜ਼ੀ ਨਾਲ ਕਦਮ ਚੁੱਕੇ ਹਨ। ਟਰੰਪ ਨੇ ਸਵੇਰੇ-ਸਵੇਰੇ ਕੀਤੇ ਟਵੀਟ ‘ਚ ਆਖਿਆ ਕਿ ਬਹੁਤ ਚੰਗੀਆਂ ਚੀਜ਼ਾਂ ਹੋਣਗੀਆਂ, ਜੇਕਰ ਇਕ ਕਰਾਰ ਹੋ ਜਾਂਦਾ ਹੈ ਤਾਂ ਚੀਨ ਨੂੰ ਕਾਫੀ ਫਾਇਦਾ ਹੋਵੇਗਾ। ਦੋਹਾਂ ਦੇਸ਼ਾਂ ਵਿਚਾਲੇ ਵੱਧ ਰਹੇ ਸੰਘਰਸ਼ ਨੂੰ ਟਰੰਪ ਨੇ ਖਤਮ ਕਰਨ ਦੀ ਅਪੀਲ ਕੀਤੀ ਹੈ। ਬਿਊਨਸ ਆਇਰਸ ‘ਚ ਸ਼ਨੀਵਾਰ ਰਾਤ ਦੇ ਖਾਣੇ ਤੋਂ ਬਾਅਦ ਦੋਵੇਂ ਨੇਤਾ ਕਿਸੇ ਵੀ ਨਵੇਂ ਸ਼ੁਲਕ ਨੂੰ ਮੁਅੱਤਲ ਕਰਨ ਅਤੇ ਵਾਰਤਾਕਾਰਾਂ ਨੂੰ 90 ਦਿਨ ਦਾ ਸਮਾਂ ਦੇਣ ਨੂੰ ਰਾਜ਼ੀ ਹੋਏ। ਟਰੰਪ ਨੇ ਆਖਿਆ ਕਿ ਅਰਜਨਟੀਨਾ ‘ਚ ਚੀਨ ਦੇ ਰਾਸ਼ਟਰਪਤੀ ਸ਼ੀ ਨਾਲ ਮੇਰੀ ਬੈਠਕ ਇਕ ਅਸਧਾਰਨ ਬੈਠਕ ਸੀ। ਉਨ੍ਹਾਂ ਨੇ ਕਿਹਾ ਕਿ ਚੀਨ ਨਾਲ ਸਾਡੇ ਕਰਾਰ ਤੋਂ ਕਿਸਾਨਾਂ ਨੂੰ ਸਭ ਤੋਂ ਜ਼ਿਆਦਾ ਹੋਰ ਤੇਜ਼ੀ ਨਾਲ ਫਾਇਦਾ ਹੋਵੇਗਾ। ਉਹ ਖੇਤੀਬਾੜੀ ਉਤਪਾਦ ਦੀ ਖਰੀਦ ਜਲਦ ਸ਼ੁਰੂ ਕਰਨ ਦਾ ਇਰਾਦਾ ਰੱਖਦੇ ਹਨ। ਅਸੀਂ ਦੁਨੀਆ ‘ਚ ਸਾਫ ਸੁਥਰਾ ਉਤਪਾਦ ਬਣਾਉਣਗੇ ਅਤੇ ਚੀਨ ਵੀ ਇਹੀ ਚਾਹੁੰਦਾ ਹੈ।