ਅਫ਼ਗ਼ਾਨਿਸਤਾਨ: ਕਾਰ ਧਮਾਕੇ ਵਿੱਚ 8 ਮੌਤਾਂ, ਸੰਸਦ ਮੈਂਬਰ ਸਣੇ 15 ਤੋਂ ਵੱਧ ਜ਼ਖ਼ਮੀ

ਕਾਬੁਲ – ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿੱਚ ਐਤਵਾਰ ਨੂੰ ਕਾਰ ਬੰਬ ਧਮਾਕੇ ਵਿੱਚ ਘੱਟੋ ਘੱਟ ਅੱਠ ਵਿਅਕਤੀਆਂ ਦੀ ਮੌਤ ਹੋ ਗਈ। ਅਫਗਾਨਿਸਤਾਨ ਦੇ ਗ੍ਰਹਿ ਮੰਤਰੀ ਤਾਰਿਕ ਨੇ ਕਿਹਾ ਕਿ ਹਮਲੇ ਵਿੱਚ ਸੰਸਦ ਮੈਂਬਰ ਖਾਨ ਮੁਹੰਮਦ ਵਾਰਦਾਕ ਸਣੇ 15 ਤੋਂ ਵੱਧ ਹੋਰ ਲੋਕ ਜ਼ਖ਼ਮੀ ਵੀ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਮ੍ਰਿਤਕਾਂ ਵਿੱਚ ਬੱਚੇ, ਔਰਤਾਂ ਤੇ ਬਜ਼ੁਰਗ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਕਿ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਸਕਦੀ ਹੈ। ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਸੰਸਦ ਮੈਂਬਰ ਦਾ ਕਾਫਿਲਾ ਕਾਬੁਲ ਦੇ ਖ਼ੌਸ਼ਲਲ ਖ਼ਾਨ ਖੇਤਰ ਵਿੱਚ ਚੌਰਾਹੇ ਤੋਂ ਲੰਘ ਰਿਹਾ ਸੀ।