ਟਰੰਪ ਅਤੇ ਕਿਮ ਫਰਵਰੀ ਦੇ ਅਖੀਰ ਤੱਕ ਕਰਨਗੇ ਮੁਲਾਕਾਤ

ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਉਹ 27-28 ਫਰਵਰੀ ਨੂੰ ਉੱਤਰੀ ਕੋਰੀਆਈ ਨੇਤਾ ਕਿਮ ਜੋਂਗ-ਉਨ ਨਾਲ ਮੁਲਾਕਾਤ ਕਰਨਗੇ| ਇਹ ਮੁਲਾਕਾਤ ਵੀਅਤਨਾਮ ਵਿਚ ਹੋਣ ਵਾਲੇ ਦੋ ਦਿਨੀ ਸਿਖਰ ਸੰਮੇਲਨ ਦੌਰਾਨ ਹੋਵੇਗੀ| ਇਕ ਸਮਾਚਾਰ ਏਜੰਸੀ ਮੁਤਾਬਕ ਟਰੰਪ ਸੰਸਦ ਨੂੰ ਸੰਬੋਧਿਤ ਕਰਦਿਆਂ ਕਿਮ ਜੋਂਗ-ਉਨ ਨਾਲ ਦੂਜੇ ਸਿਖਰ ਸੰਮਲੇਨ ਦੇ ਵੇਰਵੇ ਦਾ ਰਸਮੀ ਰੂਪ ਨਾਲ ਐਲਾਨ ਕਰ ਸਕਦੇ ਹਨ| ਵ੍ਹਾਈਟ ਹਾਊਸ ਨੇ ਉੱਤਰੀ ਕੋਰੀਆ ਦੇ ਪ੍ਰਮੁੱਖ ਵਾਰਤਾਕਾਰ ਕਿਮ ਯੋਂਗ ਚੋਲ ਨਾਲ ਚਰਚਾ ਦੇ ਬਾਅਦ 18 ਜਨਵਰੀ ਨੂੰ ਦੋਹਾਂ ਨੇਤਾਵਾਂ ਵਿਚਕਾਰ ਦੂਜੀ ਬੈਠਕ ਦਾ ਐਲਾਨ ਕੀਤਾ ਸੀ| ਦੋਹਾਂ ਨੇਤਾਵਾਂ ਦੇ ਵਿਚ ਇਸ ਤਰ੍ਹਾਂ ਦੀ ਪਹਿਲੀ ਬੈਠਕ ਬੀਤੇ ਸਾਲ ਜੂਨ ਮਹੀਨੇ ਸਿੰਗਾਪੁਰ ਵਿਚ ਹੋਈ ਸੀ|