ਟਰੰਪ-ਕਿਮ ਵਿਚਾਲੇ ਦੂਜੇ ਦਿਨ ਦੀ ਬੈਠਕ ਖਤਮ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉੱਤਰੀ ਕੋਰੀਆਈ ਨੇਤਾ ਕਿਮ ਜੋਂਗ-ਉਨ ਵਿਚਾਲੇ ਦੂਜੇ ਦਿਨ ਦੀ ਸਿਖਰ ਵਾਰਤਾ ਬੈਠਕ ਖਤਮ ਹੋ ਗਈ। ਹੁਣ ਦੋਵੇਂ ਨੇਤਾ ਅਤੇ ਉਨ੍ਹਾਂ ਦੇ ਵਫਦ ਵਿਚਾਲੇ ਕਰੀਬ 2 ਘੰਟੇ ਦੀ ਵਿਸਥਾਰਪੂਰਵਕ ਬੈਠਕ ਹੋਵੇਗੀ। ਦੋਹਾਂ ਨੇਤਾਵਾਂ ਵਿਚਕਾਰ ਬੈਠਕ ਕਰੀਬ 40 ਮਿੰਟ ਤੱਕ ਚੱਲੀ, ਜਿਸ ਦੇ ਬਾਅਦ ਉਹ ਹਨੋਈ ਦੇ ਮੈਟਰੋਪੋਲ ਹੋਟਲ ਦੇ ਵਿਹੜੇ ਵਿਚ ਟਹਿਲਣ ਲਈ ਚਲੇ ਗਏ। ਵੀਅਤਨਾਮ ਦੀ ਰਾਜਧਾਨੀ ਹਨੋਈ ਵਿਚ ਦੋਹਾਂ ਨੇਤਾਵਾਂ ਵਿਚਕਾਰ ਦੋ ਦਿਨੀਂ ਦੋ-ਪੱਖੀ ਸਿਖਰ ਸੰਮੇਲਨ ਬੁੱਧਵਾਰ ਨੂੰ ਸ਼ੁਰੂ ਹੋਇਆ ਸੀ। ਹੋਟਲ ਦੇ ਵਿਹੜੇ ਵਿਚ ਟਹਿਲਣ ਦੌਰਾਨ ਕਿਮ ਅਤੇ ਟਰੰਪ ਨਾਲ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪਿਓ ਤੇ ਪਰਮਾਣੂ ਨਿਸ਼ਸਤਰੀਕਰਨ ‘ਤੇ ਉੱਤਰੀ ਕੋਰੀਆ ਦੇ ਮੁੱਖ ਵਾਰਤਾਕਾਰ ਅਤੇ ਉੱਤਰੀ ਕੋਰੀਆਈ ਨੇਤਾ ਦੇ ਕਰੀਬੀ ਸਹਿਯੋਗੀ ਕਿਮ ਯੋਂਗ ਚੋਲ ਵੀ ਮੌਜੂਦ ਸਨ।