ਪ੍ਰੋ ਕਬੱਡੀ ਲੀਗ : ਟਾਈਟਨਸ ਨੇ ਚੈਂਪੀਅਨ ਪਟਨਾ ਨੂੰ ਹਰਾਇਆ

ਪੁਣੇ – ਵਿਸ਼ਾਲ ਭਾਰਦਵਾਜ ਅਤੇ ਅਬੂਜਰ ਮਿਘਾਨੀ ਦੀ ਸ਼ਾਨਦਾਰ ਰੱਖਿਆਤਮਕ ਖੇਡ ਦੀ ਬਦੌਲਤ ਤੇਲੁਗੂ ਟਾਈਟਨਸ ਨੇ ਸਾਬਕਾ ਚੈਂਪੀਅਨ ਪਟਨਾ ਪਾਈਰੇਟਸ ਨੂੰ ਪ੍ਰੋ ਕਬੱਡੀ ਲੀਗ ਦੇ ਛੇਵੇਂ ਸੈਸ਼ਨ ‘ਚ ਸ਼ੁੱਕਰਵਾਰ ਨੂੰ 35-31 ਨਾਲ ਹਰਾ ਦਿੱਤਾ। ਦੋਹਾਂ ਡਿਫੈਂਡਰਾਂ ਨੇ ਕੁਲ 11 ਅੰਕ ਬਟੋਰੇ ਅਤੇ ਪਟਨਾ ਦੇ ਸਟਾਰ ਰੇਡਰ ਪ੍ਰਦੀਪ ਨਰਵਾਲ ਨੂੰ ਕਾਬੂ ‘ਚ ਰਖਿਆ। ਟਾਈਟਨਸ ਦੀ ਇਸ ਤਰ੍ਹਾਂ ਸੈਸ਼ਨ ਦੀ ਇਹ ਤੀਜੀ ਜਿੱਤ ਹੈ। ਜਦਕਿ ਪਟਨਾ ਨੂੰ ਦੂਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਟਾਈਟਨਸ ਲਈ ਰਾਹੁਲ ਚੌਧਰੀ ਨੇ 7 ਅੰਕ ਜੁਟਾਏ।