ਯੁਵੈਂਟਸ ਨੇ ਰੋਨਾਲਡੋ ਨੂੰ ਸਮਰਥਨ ਦਿੱਤਾ; ਨਾਈਕੀ ਫਿਕਰਮੰਦ

ਮਿਲਾਨ – ਇਤਾਲਵੀ ਚੈਂਪੀਅਨ ਯੁਵੈਂਟਸ ਨੇ ਆਪਣੇ ਸਟਾਰ ਖਿਡਾਰੀ ਕ੍ਰਿਸਟਿਆਨੋ ਰੋਨਾਲਡੋ ਉਤੇ ਲੱਗੇ ਬਲਾਤਕਾਰ ਦੇ ਦੋਸ਼ਾਂ ਸਬੰਧੀ ਚੁੱਪ ਤੋੜਦਿਆਂ ਕਿਹਾ ਕਿ ਅਮਰੀਕਨ ਮਾਡਲ ਦੇ ਦਾਅਵਿਆਂ ਨਾਲ ਇਸ ਪੁਰਤਗਾਲੀ ਫੁਟਬਾਲਰ ਨੂੰ ਲੈ ਕੇ ਉਸ ਦੀ ਰਾਇ ਨਹੀਂ ਬਦਲੇਗੀ, ਜਦਕਿ ਅਮਰੀਕਾ ਦਾ ਖੇਡ ਸਮਾਨ ਬਣਾਉਣ ਵਾਲੀ ਕੰਪਨੀ ਨਾਈਕੀ ਨੇ ਕਿਹਾ ਕਿ ਉਹ ਇਨ੍ਹਾਂ ਦੋਸ਼ਾਂ ਤੋਂ ਚਿੰਤਿਤ ਹੈ। ਸੀਰਿ ਏ ਚੈਂਪੀਅਨ ਯੁਵੈਂਟਸ ਨੇ ਟਵਿੱਟਰ ’ਤੇ ਕਿਹਾ, ‘‘ਕ੍ਰਿਸਟਿਆਨੋ ਰੋਨਾਲਡੋ ਨੇ ਪਿਛਲੇ ਕੁੱਝ ਮਹੀਨਿਆਂ ਵਿੱਚ ਜ਼ਬਰਦਸਤ ਵਚਨਬੱਧਤਾ ਅਤੇ ਪੇਸ਼ੇਵਾਰਾਨਾ ਪਹੁੰਚ ਵਿਖਾਈ ਹੈ, ਜਿਸ ਦੀ ਯੁਵੈਂਟਸ ਵਿੱਚ ਸਾਰੇ ਪ੍ਰਸ਼ੰਸਾ ਕਰਦੇ ਹਨ।’’ ਇਸ ਨੇ ਕਿਹਾ, ‘‘ਇਹ ਘਟਨਾ ਦਸ ਸਾਲ ਪੁਰਾਣੀ ਹੈ ਅਤੇ ਇਸ ਨਾਲ ਸਾਡੀ ਰਾਇ ਨਹੀਂ ਬਦਲੇਗੀ।’’ ਦੂਜੇ ਪਾਸੇ, ਨਾਈਕੀ ਨੇ ਕਿਹਾ ਕਿ ਉਹ ਇਸ ਵਿਵਾਦ ਨੂੰ ਲੈ ਕੇ ਡੂੰਘੀ ਚਿੰਤਾ ਵਿੱਚ ਹੈ। ਨਾਈਕੀ ਦੇ ਇੱਕ ਬੁਲਾਰੇ ਨੇ ਕਿਹਾ, ‘‘ਅਸੀਂ ਇਨ੍ਹਾਂ ਦੋਸ਼ਾਂ ਨੂੰ ਲੈ ਕੇ ਚਿੰਤਿਤ ਹਾਂ ਅਤੇ ਹਾਲਾਤ ’ਤੇ ਨਜ਼ਰ ਰੱਖ ਰਹੇ ਹਾਂ।