ਅਫ਼ਗਾਨਿਸਤਾਨ ਤੇ ਵੈਸਟਇੰਡੀਜ਼ ਵਿਚਾਲੇ ਮੈਚ ਅੱਜ

ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਚੁੱਕੀਆਂ ਦੋਵੇਂ ਟੀਮਾਂ ਜਦੋਂ ਮੈਦਾਨ ’ਤੇ ਖੇਡਣ ਲਈ ਉਤਰਨਗੀਆਂ ਤਾਂ ਅਫ਼ਗਾਨਿਸਤਾਨ ਦੀਆਂ ਨਜ਼ਰਾਂ ਵਿਸ਼ਵ ਕੱਪ ਵਿੱਚ ਪਹਿਲੀ ਜਿੱਤ ਹਾਸਲ ਕਰਨ ’ਤੇ ਲੱਗੀਆਂ ਹੋਣਗੀਆਂ ਜਦੋਂਕਿ ਵੈਸਟ ਇੰਡੀਜ਼ ਦੀ ਟੀਮ ਵੱਕਾਰ ਲਈ ਖੇਡੇਗੀ।ਅਫ਼ਗਾਨਿਸਤਾਨ ਨੇ ਵੈਸਟ ਇੰਡੀਜ਼ ਦੀ ਸਟਾਰ ਭਰਪੂਰ ਟੀਮ ਨੂੰ ਪਿਛਲੇ ਸਾਲ ਹਰਾਰੇ ਵਿੱਚ ਹੋਏ ਵਿਸ਼ਵ ਕੱਪ ਕੁਆਲੀਫਾਇਰ ’ਚ ਦੋ ਵਾਰ ਹਰਾਇਆ ਸੀ ਜਿਸ ਵਿੱਚ ਕ੍ਰਿਸ ਗੇਲ, ਕਾਰਲੋਸ ਬਰੈੱਥਵੇਟ ਅਤੇ ਸ਼ਾਈ ਹੋਪ ਸ਼ਾਮਲ ਸਨ। ਹੁਣ ਵਿਸ਼ਵ ਕੱਪ ’ਚ ਕੁਝ ਵੱਡੀਆਂ ਟੀਮਾਂ ਖ਼ਿਲਾਫ਼ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਅਫ਼ਗਾਨਿਸਤਾਨ ਨੇ ਕਈ ਵਾਰ ਸਾਬਿਤ ਕੀਤਾ ਕਿ ਉਸ ਨੂੰ ਹੁਣ ਕਮਜ਼ੋਰ ਟੀਮ ਨਹੀਂ ਕਿਹਾ ਜਾ ਸਕਦਾ। ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 3 ਵਜੇ ਸ਼ੁਰੂ ਹੋਵੇਗਾ।