ਅਮਰੀਕਾ : ਪਹਿਲੇ ਸਿੱਖ ਅਟਾਰਨੀ ਜਨਰਲ ‘ਤੇ ਨਸਲੀ ਟਿੱਪਣੀ ਦੀ ਆਡੀਓ ਵਾਇਰਲ

ਵਾਸ਼ਿੰਗਟਨ – ਅਮਰੀਕਾ ਦੇ ਨਿਊਜਰਸੀ ਸੂਬੇ ਵਿਚ ਸਿੱਖ ਅਟਾਰਨੀ ਜਨਰਲ ਦੀ ਪਗੜੀ ‘ਤੇ ਨਸਲੀ ਟਿੱਪਣੀ ਕਰਨ ਵਾਲੇ ਇਕ ਸੀਨੀਅਰ ਵਿਧੀ ਅਧਿਕਾਰੀ ਤੋਂ ਅਸਤੀਫੇ ਦੀ ਮੰਗ ਤੇਜ਼ ਹੋ ਗਈ ਹੈ। ਗੁਪਤ ਰਿਕਾਰਡਿੰਗ ਵਿਚ ਬਰਜੇਨ ਕਾਉਂਟੀ ਦੇ ਸ਼ੇਰਿਫ ਮਾਈਕਲ ਸੈਡੀਨੋ ਨੂੰ ਅਮਰੀਕਾ ਦੇ ਪਹਿਲੇ ਸਿੱਖ ਅਟਾਰਨੀ ਜਨਰਲ ਗੁਰਬੀਰ ਗ੍ਰੇਵਾਲ ਦੀ ਪਗੜੀ ‘ਤੇ ਨਸਲੀ ਟਿੱਪਣੀ ਕਰਦੇ ਸੁਣਿਆ ਗਿਆ ਹੈ, ਜੋ ਇਸ ਵੇਲੇ ਵਾਇਰਲ ਹੋ ਚੁੱਕੀ ਹੈ। ਜਿਸ ਕਾਰਨ ਸੈਡੀਨੋ ਦਾ ਵਿਰੋਧ ਹੋਣਾ ਸ਼ੁਰੂ ਹੋ ਗਿਆ ਹੈ ਅਤੇ ਉਨ੍ਹਾਂ ਦੇ ਅਸਤੀਫੇ ਦੀ ਮੰਗ ਕੀਤੀ ਜਾ ਰਹੀ ਹੈ। ਮਾਮਲਾ 16 ਜਨਵਰੀ ਦਾ ਹੈ ਜਦੋਂ ਨਿਊਜਰਸੀ ਦੇ ਗਵਰਨਰ ਵਜੋਂ ਫਿਲ ਮਰਫੀ ਇਕ ਪ੍ਰੋਗਰਾਮ ਵਿਚ ਹਿੱਸਾ ਲੈ ਰਹੇ ਸਨ ਤਾਂ ਸੈਡੀਨੋ ਨੇ ਕਿਹਾ ਕਿ ਫਿਲ ਮਰਫੀ ਨੇ ਗ੍ਰੇਵਾਲ ਦੀ ਨਿਯੁਕਤੀ ਉਨ੍ਹਾਂ ਦੀ ਪਗੜੀ ਕਾਰਨ ਕੀਤੀ ਹੈ ਕਿ ਗ੍ਰੇਵਾਲ ਬਰਜੇਨ ਕਾਉਂਟੀ ਬਾਰੇ ਕੀ ਜਾਣਦੇ ਹਨ। ਜਦੋਂ ਕਿ ਗ੍ਰੇਵਾਲ ਬਰਜੇਨ ਕਾਉਂਟੀ ਵਿਚ ਬੁਲਾਰੇ ਵਜੋਂ ਕੰਮ ਕਰ ਚੁੱਕੇ ਹਨ। ਸੈਡੀਨੋ ਨੇ ਹੋਰ ਭਾਰਤੀਆਂ ‘ਤੇ ਵੀ ਨਸਲੀ ਟਿੱਪਣੀਆਂ ਕੀਤੀਆਂ। ਗ੍ਰੇਵਾਲ ਨੇ ਟਵੀਟ ਕਰਕੇ ਕਿਹਾ ਕਿ ਉਨ੍ਹਾਂ ਨੇ ਗੱਲਬਾਤ ਦੀ ਇਹ ਰਿਕਾਰਡਿੰਗ ਸੁਣੀ ਹੈ। ਜੇਕਰ ਇਹ ਆਵਾਜ਼ ਸ਼ੇਰਿਫ ਸੈਡੀਨੋ ਦੀ ਹੈ ਤਾਂ ਉਨ੍ਹਾਂ ਨੂੰ ਤੁਰੰਤ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦੇਣਾ ਚਾਹੀਦਾ ਹੈ। ਗ੍ਰੇਵਾਲ ਨੇ ਇਕ ਹੋਰ ਟਵੀਟ ਵਿਚ ਕਿਹਾ ਕਿ ਉਹ ਵੀ ਮਾਮਲੇ ਵਿਚ ਜ਼ਿਆਦਾ ਬੋਲ ਸਕਦੇ ਹਨ।