ਲੋੜ ਪੈਣ ਤੇ ਨਹੀਂ ਮਿਲਦੀ ਖਿਡਾਰੀਆਂ ਨੂੰ ਮਦਦ : ਯੋਗੇਸ਼ਵਰ

ਝੂੰਝਨੂੰ – ਓਲੰਪਿਕ ਤਮਗਾ ਜੇਤੂ ਅਤੇ ਪਦਮਸ਼੍ਰੀ ਪੁਰਸਕਾਰ ਪ੍ਰਾਪਤ ਪਹਿਲਵਾਨ ਯੋਗੇਸ਼ਵਰ ਦੱਤ ਨੇ ਕਿਹਾ ਕਿ ਜਦੋਂ ਖਿਡਾਰੀਆਂ ਨੂੰ ਮਦਦ ਦੀ ਲੋੜ ਹੁੰਦੀ ਹੈ ਉਦੋਂ ਉਨ੍ਹਾਂ ਦੀ ਮਦਦ ਲਈ ਕੋਈ ਅੱਗੇ ਨਹੀਂ ਆਉਂਦਾ| ਯੋਗੇਸ਼ਵਰ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਵਿੱਚ ਇਹ ਗੱਲ ਕਹੀ| ਉਨ੍ਹਾਂ ਕਿਹਾ ਕਿ ਖਿਡਾਰੀ ਜਦੋਂ ਮੈਡਲ ਜਿੱਤਦੇ ਹਨ ਜਾਂ ਫਿਰ ਆਪਣਾ ਲੋਹਾ ਮਨਵਾਉਂਦੇ ਹਨ ਤਾਂ ਮਦਦ ਕਰਨ ਵਾਲਿਆਂ ਦੀ ਲਾਈਨ ਲਗ ਜਾਂਦੀ ਹੈ| ਅਸਲ ਵਿੱਚ ਸਰਕਾਰ ਨੂੰ ਸਬ ਜੂਨੀਅਰ ਪੱਧਰ ਤੋਂ ਹੀ ਮਦਦ ਉਪਲਬਧ ਕਰਾਉਣੀ ਚਾਹੀਦੀ ਹੈ ਤਾਂ ਜੋ ਪਿੰਡ ਦੀ ਪ੍ਰਤਿਭਾ ਪਿੰਡ ਵਿੱਚ ਹੀ ਦੱਬ ਕੇ ਨਹੀਂ ਰਹੇ ਅਤੇ ਅੱਗੇ ਵੱਧ ਸਕੇ| ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਇੰਨੇ ਚੰਗੇ ਖਿਡਾਰੀ ਪਿੰਡਾਂ ਤੋਂ ਨਿਕਲ ਕੇ ਆਏ ਹਨ| ਇਸ ਦੇ ਬਾਵਜੂਦ ਪਿੰਡਾਂ ਵਿੱਚ ਅਜੇ ਵੀ ਸਹੂਲਤਾਂ ਦੀ ਕਮੀ ਹੈ| ਉਨ੍ਹਾਂ ਖ਼ੁਦ ਦੇ ਪ੍ਰਦਰਸ਼ਨ ਤੇ ਕਿਹਾ ਕਿ ਉਹ ਕੋਸ਼ਿਸ਼ ਕਰ ਰਹੇ ਹਨ ਕਿ ਅਗਲੇ ਓਲੰਪਿਕ ਵਿੱਚ ਦੇਸ਼ ਲਈ ਖੇਡਣਗੇ|