ਵੈਨਜ਼ੁਏਲਾ ਦੀ ਅਦਾਲਤ ਨੇ ਗੁਏਡੋ ਦੇ ਦੇਸ਼ ਛੱਡਣ ਤੇ ਲਾਈ ਰੋਕ

ਕਰਾਕਸ – ਵੈਨਜ਼ੁਏਲਾ ਦੇ ਸੁਪਰੀਮ ਟ੍ਰਿਬਊਨਲ ਆਫ ਜਸਟਿਸ ਨੇ ਖੁਦ ਨੂੰ ਰਾਸ਼ਟਰਪਤੀ ਘੋਸ਼ਿਤ ਕਰਨ ਵਾਲੇ ਜੁਆਨ ਗੁਏਡੋ ਦੇ ਦੇਸ਼ ਛੱਡਣ ‘ਤੇ ਰੋਕ ਲਗਾ ਦਿੱਤੀ ਹੈ। ਉਨ੍ਹਾਂ ਨੇ ਗੁਏਡੋ ‘ਤੇ ਬੈਂਕ ਖਾਤਿਆਂ ਨਾਲ ਲੈਣ-ਦੇਣ ਕਰਨ ਦੀ ਵੀ ਰੋਕ ਲਗਾ ਦਿੱਤੀ ਹੈ। ਦੇਸ਼ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਅਮਰੀਕਾ ਸਮਰਥਿਤ ਵਿਰੋਧੀ ਪੱਖ ਨੂੰ ਅਸਫਲ ਕਰਨਾ ਚਾਹੁੰਦੇ ਹਨ। ਉੱਚ ਅਦਾਲਤ ਦੇ ਪ੍ਰਧਾਨ ਮਾਈਕੇਲ ਮੋਰੇਨਾ ਨੇ ਕਿਹਾ,”ਰਾਸ਼ਟਰੀ ਅਸੈਂਬਲੀ ਦੇ 35 ਮੁੱਖ ਜੁਆਨ ਗੁਏਡੋ ‘ਤੇ ਦੇਸ਼ ‘ਚ ਸ਼ਾਂਤੀ ਵਿਵਸਥਾ ਨੂੰ ਨੁਕਸਾਨ ਪਹੁੰਚਾਉਣ ਦੇ ਦੋਸ਼ਾਂ ਦੀ ਜਾਂਚ ਪੂਰੀ ਹੋਣ ਤਕ ਦੇਸ਼ ਛੱਡਣ ‘ਤੇ ਰੋਕ ਹੈ।” ਇਹ ਕਦਮ ਤਦ ਆਇਆ ਜਦ ਵਿਦੇਸ਼ ਵਿਭਾਗ ਨੇ ਖੁਲਾਸਾ ਕੀਤਾ ਕਿ ਰਾਸ਼ਟਰੀ ਅਸੈਂਬਲੀ ਦੇ ਮੁਖੀ ਅਤੇ ਖੁਦ ਨੂੰ ਰਾਸ਼ਟਰਪਤੀ ਘੋਸ਼ਿਤ ਕਰਨ ਵਾਲੇ ਗੁਏਡੋ ਨੂੰ ਵੈਨਜ਼ੁਏਲਾ ਸਥਿਤ ਅਮਰੀਕੀ ਬੈਂਕ ਖਾਤਿਆਂ ਦਾ ਕੰਟਰੋਲ ਸੌਂਪ ਦਿੱਤਾ ਗਿਆ ਹੈ। ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਪਿਛਲੇ ਹਫਤੇ ਇਸ ਹੁਕਮ ‘ਚ ਦਖਲਅੰਦਾਜ਼ੀ ਕੀਤੀ ਸੀ।