ਅਮਰੀਕਾ ਵਿੱਚ ਕਈ ਹਵਾਈ ਅੱਡਿਆਂ ਤੇ ਆਪਰੇਟਿੰਗ ਸਿਸਟਮ ਬੰਦ

ਵਾਸ਼ਿੰਗਟਨ – ਅਮਰੀਕਾ ਵਿੱਚ ਕਈ ਹਵਾਈ ਅੱਡਿਆਂ ਤੇ ਅਸਥਾਈ ਰੂਪ ਨਾਲ ਬਿਜਲੀ ਕਟੌਤੀ ਕਾਰਨ ਆਪਰੇਟਿੰਗ ਸਿਸਟਮ ਬੰਦ ਰਿਹਾ| ਇਸ ਕਾਰਨ ਯਾਤਰੀਆਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ| ਸਰਹੱਦ ਅਤੇ ਸਰਹੱਦ ਸੁਰੱਖਿਆ (ਸੀ. ਬੀ. ਪੀ.) ਨੇ ਇਕ ਬਿਆਨ ਵਿੱਚ ਕਿਹਾ,”ਸੀ. ਬੀ. ਪੀ. ਨੂੰ ਵੱਖ-ਵੱਖ ਹਵਾਈ ਅੱਡਿਆਂ ਤੇ ਐਂਟਰੀ ਆਪਰੇਟਿੰਗ ਸਿਸਟਮ ਦੇ ਨਾਲ-ਨਾਲ ਅਸਥਾਈ ਰੂਪ ਵਿੱਚ ਬਿਜਲੀ ਕਟੌਤੀ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਇਸ ਰੁਕਾਵਟ ਨੂੰ ਦੂਰ ਕਰਨ ਲਈ ਤਤਕਾਲ ਕਾਰਵਾਈ ਕਰ ਰਿਹਾ ਹੈ|” ਉਨ੍ਹਾਂ ਕਿਹਾ ਕਿ ਸੀ. ਬੀ. ਪੀ. ਉੱਚ ਪੱਧਰੀ ਸੁਰੱਖਿਆ ਦੇ ਨਾਲ-ਨਾਲ ਕੌਮਾਂਤਰੀ ਯਾਤਰੀਆਂ ਲਈ ਆਪਸ਼ਨਲ ਸਰੋਤ ਦੀ ਵਰਤੋਂ ਕਰ ਰਿਹਾ ਹੈ| ਮੀਡੀਆ ਰਿਪੋਰਟ ਮੁਤਾਬਕ ਅਸਥਾਈ ਕਟੌਤੀ ਕਾਰਨ ਜਾਨ ਐੱਫ ਕੈਨੇਡੀ ਕੌਮਾਂਤਰੀ ਹਵਾਈ ਅੱਡਾ ਅਤੇ ਲਾਸ ਏਂਜਲਸ ਕੌਮਾਂਤਰੀ ਹਵਾਈ ਅੱਡਾ ਪ੍ਰਭਾਵਿਤ ਹੋਏ ਹਨ, ਜਿਸ ਕਾਰਨ ਯਾਤਰੀਆਂ ਨੂੰ ਬਹੁਤ ਦੇਰੀ ਹੋ ਗਈ| ਉਨ੍ਹਾਂ ਨੂੰ ਕਾਫੀ ਸਮੇਂ ਤਕ ਪ੍ਰੇਸ਼ਾਨੀ ਸਹਿਣ ਕਰਨੀ ਪਈ|