ਅਮਰੀਕਾ ਵੱਲੋਂ ਚੀਨ ਤੋਂ ਬਣੇ ਸੋਲਰ ਪੈਨਲ ਸਮਾਨ ਦੀ ਦਰਾਮਦ ਤੇ ਪਾਬੰਦੀ

ਅਮਰੀਕਾ – ਅਮਰੀਕਾ ਨੇ ਸੌਰ ਪੈਨਲਾਂ ਦੇ ਨਿਰਮਾਣ ਵਿੱਚ ਇਸਤੇਮਾਲ ਹੋਣ ਵਾਲੀ ਸਮੱਗਰੀ ਨੂੰ ਲੈ ਕੇ ਇਕ ਪ੍ਰਮੁੱਖ ਚੀਨੀ ਨਿਰਮਾਤਾ ਕੰਪਨੀ ਦੇ ਕਾਰੋਬਾਰ ਤੇ ਅਮਰੀਕੀ ਬਾਜ਼ਾਰ ਵਿੱਚ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਹੈ। ਅਮਰੀਕਾ ਦਾ ਕਹਿਣਾ ਹੈ ਕਿ ਅਜਿਹਾ ਉਈਗਰ ਅਤੇ ਹੋਰ ਘੱਟਗਿਣਤੀ ਭਾਈਚਾਰਿਆਂ ਵਿਰੁੱਧ ਚੀਨ ਦੀ ਦਮਨਕਾਰੀ ਮੁਹਿੰਮ ਨਾਲ ਜੁੜੀਆਂ ਕਾਰੋਬਾਰੀ ਸੰਸਥਾਵਾਂ ਤੇ ਰੋਕ ਲਗਾਉਣ ਦੀ ਵਿਆਪਕ ਕੋਸ਼ਿਸ਼ ਦੇ ਹਿੱਸੇ ਵਜੋਂ ਕੀਤਾ ਜਾ ਰਿਹਾ ਹੈ।ਯੂਨਾਈਟਿਡ ਸਟੇਟ ਆਪਣੇ ਕਸਟਮਜ਼ ਅਤੇ ਬਾਰਡਰ ਪ੍ਰੋਟੈਕਸ਼ਨ ਦੁਆਰਾ ਜਬਰੀ ਲੇਬਰ ਦੁਆਰਾ ਤਿਆਰ ਕੀਤੇ ਮਾਲ ਦੇ ਆਯਾਤ ਤੇ ਰੋਕ ਲਗਾਉਣ ਵਾਲੇ ਇਕ ਕਾਨੂੰਨ ਦੇ ਤਹਿਤ ਹੋਸ਼ਿਨੇ ਸਿਲਿਕਾਨ ਇੰਡਸਟਰੀ ਲਿਮਟਿਡ ਅਤੇ ਇਸਦੀਆਂ ਸਹਾਇਕ ਕੰਪਨੀਆਂ ਦੀ ਖੇਪ ਤੇ ਤੁਰੰਤ ਰੋਕ ਲਗਾਵੇਗਾ।ਨਵੀਂਆਂ ਪਾਬੰਦੀਆਂ ਦੀ ਘੋਸ਼ਣਾ ਕਰਦਿਆਂ ਜੋ ਬਾਇਡੇਨ ਪ੍ਰਸ਼ਾਸਨ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਯੂ. ਐਸ. ਦਾ ਵਣਜ ਵਿਭਾਗ ਸ਼ਿੰਗਜਿਆਂਗ ਖੇਤਰ ਵਿੱਚ ਸੌਰ ਉਦਯੋਗ ਲਈ ਕੱਚੇ ਮਾਲ ਤਿਆਰ ਕਰਨ ਵਾਲੇ ਉਦਯੋਗ ਨਾਲ ਜੁੜੇ ਛੇ ਚੀਨੀ ਸੰਗਠਨਾਂ ਨੂੰ ਪਾਬੰਦੀ ਵਾਲੀ ਸੂਚੀ ਵਿੱਚ ਪਾਵੇਗਾ।