ਅਸੀਂ ਗਲਤੀਆਂ ਤੋਂ ਸਿੱਖਾਂਗੇ : ਰੋਹਿਤ ਸ਼ਰਮਾ

ਕੋਲਕਾਤਾ – ਵੈਸਟਇੰਡੀਜ਼ ਦੇ ਵਿਰੁੱਧ ਪਹਿਲੇ ਟੀ-20 ਕੌਮਾਂਤਰੀ ਮੁਕਾਬਲੇ ‘ਚ ਜਿੱਤ ਤੋਂ ਪਹਿਲਾਂ ਭਾਰਤ ਸਾਹਮਣੇ ਆਈ ਮੁਸ਼ਕਿਲ ਸਥਿਤੀ ‘ਤੇ ਕਪਤਾਨ ਰੋਹਿਤ ਸ਼ਰਮਾ ਨੇ ਐਤਵਾਰ ਨੂੰ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਅਸੀਂ ਗਲਤੀਆਂ ਤੋਂ ਸਿੱਖਾਂਗੇ। ਵੈਸਟਇੰਡੀਜ਼ ਵਲੋਂ ਬਣਾਈਆਂ ਗਈਆਂ ਕੁਲ 110 ਦੌੜਾਂ ਤੋਂ ਬਾਅਦ ਭਾਰਤ 8ਵੇਂ ਓਵਰ ‘ਚ 45 ਦੌੜਾਂ ‘ਤੇ 4 ਵਿਕਟਾਂ ਗੁਆ ਕੇ ਸੰਘਰਸ਼ ਕਰ ਰਹੀ ਸੀ। ਹਾਲਾਂਕਿ ਬਾਅਦ ‘ਚ ਦਿਨੇਸ਼ ਕਾਰਤਿਕ ਨੇ ਮੋਰਚਾ ਸੰਭਾਲਿਆ ਤੇ ਕੇ. ਐੱਲ. ਰਾਹੁਲ ਤੇ ਪਹਿਲਾ ਮੈਚ ਖੇਡ ਰਹੇ ਕੁਣਾਲ ਪੰਡਯਾ ਦੇ ਨਾਲ ਮਿਲ ਕੇ ਭਾਰਤੀ ਟੀਮ ਨੂੰ ਜਿੱਤ ਹਾਸਲ ਕਰਵਾਈ। ਰੋਹਿਤ ਨੇ ਕਿਹਾ ਅਸੀਂ ਜਾਣਦੇ ਸੀ ਕਿ ਵੈਸਟਇੰਡੀਜ਼ ਵਲੋਂ ਬਣਾਈਆਂ ਗਈਆਂ ਦਾ ਪਿੱਛਾ ਕਰਨਾ ਆਸਾਨ ਨਹੀਂ ਹੈ। ਉਮੀਦ ਹੈ ਕਿ ਅਸੀਂ ਇਨ੍ਹਾਂ ਗਲਤੀਆਂ ਤੋਂ ਸਿੱਖਾਂਗੇ।