ਅਸੀਂ ਬਾਹਰ ਹੋ ਗਏ ਪਰ ਟੀਮ ਦਾ ਭਵਿੱਖ ਸੁਨਹਿਰਾ ਹੈ : ਕੇਮਾਰ ਰੋਚ

ਵਿਸ਼ਵ ਕੱਪ ਵਿਚ ਖਰਾਬ ਪ੍ਰਦਰਸ਼ਨ ਦੇ ਬਾਵਜੂਦ ਵੈਸਟਇੰਡੀਜ਼ ਦੇ ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਕੇਮਾਰ ਰੋਚ  ਦਾ ਮੰਨਣਾ ਹੈ ਕਿ ਮੌਜੂਦਾ ਖਿਡਾਰੀਆਂ ਦਾ ਭਵਿੱਖ ਕਾਫੀ ਸੁਨਹਿਰਾ ਹੈ। ਪਕਿਸਤਾਨ ਨੂੰ ਸ਼ੁਰੂਆਤੀ ਮੈਚ ਹਰਾਉਣ ਤੋਂ ਬਾਅਦ ਵੈਸਟਇੰਡੀਜ਼ ਨੇ ਅਗਲੇ ਪੰਜ ਮੈਚ ਗੁਆ ਦਿੱਤੇ। ਇਹ ਪੁੱਛਣ ‘ਤੇ ਕਿ ਕੀ ਗਲਤ ਰਿਹਾ ਤਾਂ ਰੋਚ ਨੇ ਨੌਜਵਾਨ ਟੀਮ ਦਾ ਬਚਾਅ ਕੀਤਾ, ਜਿਸ ਨੂੰ ਖਿਤਾਬ ਦੀ ਮੁੱਖ ਦਾਅਵੇਦਾਰ ਭਾਰਤ ਦੇ ਹੱਥੋਂ 125 ਦੌੜਾਂ ਦੀ ਹਾਰ ਝੱਲਣੀ ਪਈ। ਰੋਚ ਨੇ ਕਿਹਾ ਮੈਨੂੰ ਲਗਦਾ ਹੈ ਕਿ ਆਸਟਰੇਲੀਆ ਅਤੇ ਨਿਉੂਜ਼ੀਲੈਂਡ ਵਿਰੁੱਧ ਅਸੀਂ ਕਾਫੀ ਕਲੋਜ਼ ਹਾਰੇ।