ਆਸਟਰੇਲਿਆਈ ਕ੍ਰਿਕਟ ਟੀਮ ’ਚ ਹੋਰ ਸੁਧਾਰ ਦੀ ਲੋੜ: ਪੇਨ

ਮੈਲਬਰਨ – ਦੂਜੇ ਟੈਸਟ ਵਿੱਚ ਟੀਮ ਦੀ ਆਸਾਨ ਜਿੱਤ ਤੋਂ ਉਤਸ਼ਾਹਿਤ ਆਸਟਰੇਲਿਆਈ ਕਪਤਾਨ ਟਿਮ ਪੇਨ ਦਾ ਮੰਨਣਾ ਹੈ ਕਿ ਉਸ ਦੀ ਗੈਰ-ਤਜਰਬੇਕਾਰ ਟੀਮ ਵਿੱਚ ਭਾਰਤ ਤੋਂ ਅੱਗੇ ਨਿਕਲਣ ਦੀ ਸਮਰੱਥਾ ਹੈ, ਪਰ ਹਾਲੇ ਵੀ ਕਾਫੀ ਕੰਮ ਕਰਨਾ ਬਾਕੀ ਹੈ। ਤੀਜਾ ਟੈਸਟ ਮੈਲਬਰਨ ਵਿੱਚ ਬੁੱਧਵਾਰ ਤੋਂ ਸ਼ੁਰੂ ਹੋਵੇਗਾ, ਜਦਕਿ ਚਾਰ ਮੈਚਾਂ ਦੀ ਲੜੀ 1-1 ਨਾਲ ਬਰਾਬਰ ਚੱਲ ਰਹੀ ਹੈ। ਪੇਨ ਨੇ ਭਾਰਤ ਖ਼ਿਲਾਫ਼ ਬੌਕਸਿੰਗ ਡੇਅ ਟੈਸਟ ਤੋਂ ਪਹਿਲਾਂ ਕਿਹਾ, ‘‘ਮੈਨੂੰ ਨਹੀਂ ਲਗਦਾ ਕਿ ਅਸੀਂ ਉਨ੍ਹਾਂ ’ਤੇ ਭਾਰੂ ਪੈ ਗਏ ਹਾਂ। ਸਾਨੂੰ ਮਹਿਸੂਸ ਹੋ ਰਿਹਾ ਹੈ ਕਿ ਅਸੀਂ ਹਰੇਕ ਟੈਸਟ ਨਾਲ ਬਿਹਤਰ ਹੋ ਰਹੇ ਹਾਂ।’