ਇੰਡੀਅਨ ਆਇਲ ਦੀ ਗੋਲਡ ਕੱਪ ਹਾਕੀ ਚ ਜਿੱਤ ਨਾਲ ਸ਼ੁਰੂਆਤ

ਮੁੰਬਈ – ਮੌਜੂਦਾ ਚੈਂਪੀਅਨ ਇੰਡੀਅਨ ਆਇਰਲ ਨੇ 53ਵੀਂ ਅਖਿਲ ਭਾਰਤੀ ਬਾਂਬੇ ਗੋਲਡ ਕੱਪ ਹਾਕੀ ਚੈਂਪੀਅਨਸ਼ਿਪ ‘ਚ ਸ਼ਾਨਦਾਰ ਸ਼ੁਰੂਆਤ ਕਰਦੇ ਹੋਏ ਸੋਮਵਾਰ ਨੂੰ ਇੱਥੇ ਬਾਂਬੇ ਰਿਪਬਲਿਕੰਸ ਨੂੰ 6-1 ਨਾਲ ਹਰਾਇਆ। ਇੰਡੀਅਨ ਆਇਲ ਨੇ ਗਰੁੱਪ ‘ਏ’ ਦੇ ਇਸ ਮੈਚ ‘ਚ ਪਹਿਲੇ 2 ਕੁਆਰਟਰ ‘ਚ 2 ਗੋਲ ਕੀਤੇ ਪਰ ਆਖਰੀ 2 ਕੁਆਰਟਰ ‘ਚ ਉਹ 4 ਗੋਲ ਕਰਨ ‘ਚ ਸਫਲ ਰਿਹਾ। ਇਸ ਤੋਂ ਪਹਿਲਾਂ ਗਰੁੱਪ ‘ਬੀ’ ਦੇ ਮੈਚ ‘ਚ ਦੱਖਣੀ ਮੱਧ ਰੇਲਵੇ ਸਿਕੰਦਰਾਬਾਦ ਨੇ ਸਥਾਨਿਕ ਟੀਮ ਕਿਲੇਦਾਰ ਨੂੰ 11-1 ਨਾਲ ਹਰਾਇਆ।