ਐੱਨਐੱਫਐੱਲ ਵਲੋਂ 39.95 ਕਰੋੜ ਦਾ ਅੰਤਰਿਮ ਮੁਨਾਫਾ ਪੇਸ਼

ਨਵੀਂ ਦਿੱਲੀ: ਨੈਸ਼ਨਲ ਫਰਟੀਲਾਈਜ਼ਰਜ਼ ਲਿਮਟਿਡ (ਐੱਨਐੱਫਐੱਲ) ਨੇ ਸਾਲ 2018-19 ਲਈ ਭਾਰਤ ਸਰਕਾਰ ਨੂੰ 39.95 ਕਰੋੜ ਰੁਪਏ ਦਾ ਅੰਤਰਿਮ ਮੁਨਾਫ਼ਾ ਪੇਸ਼ ਕੀਤਾ ਹੈ। ਐੱਨਐੱਫਐੱਲ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਮਨੋਜ ਮਿਸ਼ਰਾ ਨੇ ਰਸਾਇਣ ਅਤੇ ਖਾਦਾਂ ਬਾਰੇ ਕੇਂਦਰੀ ਮੰਤਰੀ ਡੀਵੀ ਸਦਾਨੰਦ ਗੌਡਾ ਅੱਗੇ ਇਹ ਮੁਨਾਫਾ ਪੇਸ਼ ਕੀਤਾ। ਇਸ ਮੌਕੇ ਖਾਦ ਮਹਿਕਮੇ ਅਤੇ ਐੱਨਐੱਫਐੱਲ ਦੇ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ। ਦੱਸਣਯੋਗ ਹੈ ਕਿ ਕੰਪਨੀ ਨੇ ਮੌਜੂਦਾ ਵਰ੍ਹੇ ਦੇ ਪਹਿਲੇ ਨੌਂ ਮਹੀਨਿਆਂ ਦੌਰਾਨ ਚੰਗਾ ਮੁਨਾਫ਼ਾ ਕਮਾਇਆ ਹੈ। ਕੰਪਨੀ ਨੇ ਦਸੰਬਰ 2018 ਤੱਕ ਮੁਨਾਫ਼ੇ ਵਿੱਚ 49 ਫੀਸਦੀ ਵਾਧਾ ਦਰਜ ਕੀਤਾ।